ނޭނގިތިއްބައި މާރަންދޫ ފެނަކައިގެ 13 މުވައްޒަފުން ވަޒީފާއިން ވަކިކޮށް އެރށުގެ 13 އާއިލާ ބިކަކުރުން އެރަށު ކައުންސިލުން ކުއްވެރިކޮށްފި އެވެ.
މާރަންދޫ ކައުންސިލުން ނެރެފައިވާ ބަޔާނުގައި ބުނެފައިވަނީ އެއްވެސް އިންޒާރެއް ދިނުމެއްނެތި ކުއްލިގޮތަކަށް އެރަށުގެ ފެނަކައިގައި މަސައްކަތްކުރާ 13 މުވައްޒަފަކު މި މަހުގެ 27 ވަނަ ދުވަހުގެ ރޭ ވަޒީފާއިން ވަކިކޮށްފައިވާ ކަމަށެވެ.
އެ ބަޔާނުގައި އިތުރަށް ބުނެފައިވަނީ ވަޒީފާގެ ޔަގީންކަން ކަށަވަރުކޮސްދެއްވާނެކަމުގެ ޔަގީންދެމުން ސަރކާރާ ހަވާލުވެ އެ މަނިކުފާނު ރިޔާސީ އިންތިހާބުތެރޭގައި ވެވަޑައިގެންނެވި ވައުދު ބޮލާލާ ޖަހާފައިވާ ކަމަށާއި، ކުންފިުނތައް ރައިޓް ސައިޒް ކުރުމުގެ ނަމުގައި އިދިކޮޅު ސިޔާސީ ފިކުރުގެ ފަރާތްތަށް ވަޒީފާއިން ވަކިކުރުމަކީ އެ ކައުންސިލުން ބަލައިގަންނަ ކަމެނޫންކަމަށެވެ.
އަދި ކުންފުނިތައް ރައިޓް ސައިޒް ކުރުމުގެ ނަމުގައި އާދައިގެ މުވައްޒަފުން ވަޒީފާއިން ވަކިކޮށް ގިނަ އާއިލާތަކެއް ބިކަކުރަމުންދާއިރު ސިޔާސީ ބޮޑެތި މަޤާމުތަކަށް ބޮޑެތި މުސާރާއިގަ މުވައްޒަފުން ނެގުމަކީ ވަރަށް ނާތަހުޒީބު އަމަލެއް ކަމުގައި ވެސް އެކައުންސިލްގެ ބަޔާނުގައި ބުނެފައި ވެއެވެ.
އަދި އެފަދައިން ނިކަމެތި ރައްޔިތުންނާމެދު އަމަލުކުރަނީ ސިޔާސީގޮތުން އެފަރާތްތަށް ބަލިކަށިކުރުމުގެ ނިޔަތުގައި ކަމަށްވެސް މާރަންދޫ ކައުންސިލްގެ ބަޔާނުގައި ބުނެފައި ވެއެވެ.
