ފައްޔާޒުގެ ޓީމާއި ރައީސް ނަޝީދުގެ މަސައްކަތް ނިންމާނީ މި ރާޢްޖެއަށް ކޮންމެހެން ގެންނަންޖެހޭ ބޮޑު ބަދަލު ގެނެސްފައި ކަމަށް ފައްޔާޒް އިސްމާއިލް ވިދާޅުވެއްޖެ އެވެ.
ބޮޑު ބަދަލު ދޫކުރައްވައި ފައްޔާޒް "ބޮޑުބަދަލު" ވަޓްސްއެޕް ގުރޫޕަކުން ނިކުންނެވި ކަމަށް މީޑިއާތަކުން ފަތުރާފައިވާ ހަބަރާ ގުޅިގެން އެކްސް ގައި ކުރެއްވި ޕޯސްޓްގައި ފައްޔާޒް ވިދާޅުވީ މީގެ 3 ހަފްތާކުރިން ބޮޑު ބަދަލުގެ ނަމުގައި ހަދާފައިވާ ނުރަސްމީ ގުރޫޕަކުން ނިކުންނެވި ކަމަށެވެ.
ނަމަވެސް އެ ގްރޫޕަކީ ބޮޑުބަދަލު ރަސމީ ވަޓްސްއެޕް ގޫރޫޕް ނޫން ކަމަށްވެސް ފައްޔާޒް ވިދަޅުވެފައި ވެއެވެ.
އަދި ފައްޔާޒް ވަނީ ބޮޑު ބަދަލަށް ތާއިދުކުރައްވާ ހުރިހާ ފަރާތްތަކަށާއި އެމްޑީޕީ މެންބަރުންނާއި އާންމު ރައްޔިތުންނަށް، އެ މަނިކުފާނު ބޮޑު ބަދަލުގެ މަސައްކަތުގައި ދެމި ހުންނެވިކަމުގެ ޔަގީންކަން ދެއްވާފައެވެ.
އެގޮތުން ފައްޔާޒް ވިދަޅުވެފައިވަނީ ރައީސް ނަޝީދުގެ ޓީމާއި އެމަނިކުފާނުގެ ޓީމުން އެކުގައި ކުރާ މަސައްކަތް އިރާދަކުރެއްވިއްޔާ ނިންމާނީ ރާއްޖެއަށް ގެންނަން ކޮންމެހެން ޖެހިފައިފާ ބޮޑުބަދަލު ގެނެސްފައިކަމުގެ ޔަގީންގަން ބޮޑު ބަދަލަށް ތާއިދުކުރައްވާ ހުރިހާ ފަރާތްތަކަށާއި އެމްޑީޕީ މެންބަރުންނާއި އާންމު ރައްޔިތުންނަށް ދެއްވާފައެވެ.
