ޒުވާނަކު ރެސްޓޯރަންޓެއްގެ އަންހެން މުވައްޒަފަކަށް ގަމަލާދީ މާރާމާރީ ހިންގައިފި އެވެ.
ފުލުހުން ބުނީ ރޭ 11:00 ހާއިރު މާފަންނު ހުންނަ ރެސްޓޯރެންޓެެއްގައި މަސައްކަތް ކުރާ އަންހެން މުވައްޒަފަކަށާއި އެތަނުގައި ތިބި މީހުން އަދި އެއްޗެއްސަށް ގެއްލުންދީ މާރާމާރީ ހިންގާފައިވާ ކަމަށެވެ.
އަދި އެ މާރާމާރީ ހިންގާފައިވަނީ 19 އަހަރުގެ ޒުވާނެއް ކަމަށާއި، އޭނާ ފުރަތަމަ ހަމަލާ ދިނީ ރެސްޓޯރެންޓުގެ އަންހެން މުވައްޒަފެއްގެ ބޮލަށާއި، އެއަށްފަހު އެ ރެސްޓޯރަންޓްގައި ތިބި މީހުން އޭނާ ހުއްޓުވަން މަސައްކަތް ކުރުމުން އެ މީހުންނަށް ގެއްލުންދީ ރެސްޓޯރެންޓުގެ ދޮރަށްވެސް ގެއްލުންދީފައިވާ ކަމަށް ފުލުހުން ބުނެއެވެ.
