ނުވަ މަސް ދުވަހަށް ފުޓުބޯޅައާ ގުޅުންހުރި އެއްވެސް ހަރަކާތެއްގައި ބައިވެރިނުވެވޭ ގޮތަށް ރާއްޖޭގެ އެފްއޭގެ ރައީސް ބައްސާމް އަދީލް ޖަލީލް ފީފާއިން ސަސްޕެންޑް ކޮށްފިއެވެ. ބައްސާމް ސަސްޕެންކުރީ އޭނާއާ ގުޅޭ ކޮރަޕްޝަނާއި މަގާމުގެ ނާޖާއިޒު ފައިދާ ޙޯދުމުގެ ގިނަ މައްސަލަތަކެއް ފެންމަތިވެ އެކަން ދިވެހި ފުލުހުން ތަހުގީގު ކުރަމުންދާ ދަނދިވަޅެއްގައެވެ.
ފީފާއިން ބައްސާމް ސަސްޕެންޑް ކުރަން ނިންމާފައި ވަނީ އިންޑިޕެންޑެންޓް އެތިކްސް ކޮމިޓީންނެވެ. އޭނާ ސަސްޕެންޑް ކޮށްފައި ވަނީ ފީފާގެ ކޯޑް އޮފް އެތިކްސް ގެ އާޓިކަލް 86 އަކަށް ރިއާޔަތް ކޮށެވެ.
