ސަނީ ލިއޯނީ ހުރީ ރާއްޖޭގައި

ބޮލީވުޑްގެ މަޝްހޫރު ބަތަލާ، ސަނީ ލިއޯނީ، ޗުއްޓީ ހޭދަކުރުމަށް ރާއްޖެ އަތުވެއްޖެއެވެ. ސަނީ، ރާއްޖެ އަައީ މިދިޔަ ހަފުތާގައި ފްރާންސްގައި ނިންމައިލި މި އަހަރުގެ ކާންސް ފިލްމު ފެސްޓިވަލްގައި ބައިވެރިވުމަށް ފަހުގަ އެވެ. މި ފަހަރު ޗުއްޓީ ހޭދަކުރަނީ ކޮއްޓެފަރު މޯލްޑިވްސްގަ އެވެ. އެތަނުގައި ނަގާފައިވާ ފޮޓޯތަކަކާއި ވީޑިއޯއެއް ވެސް ސަނީގެ އިންސްޓަގްރާމްގައި ޕޯސްޓްކޮށްފައިވެ އެވެ. [caption id="attachment_90767" align="aligncenter" width="440"] ސަނީ ރާއްޖޭގައި[/caption] ސަނީ މީގެ ކުރިން ވެސް އެތައް ފަހަރަކު ރާއްޖެ އައެވެ. މިފަހަރު އޭނާ ކާންސް ގައި ބައިވެރިވީ، އޭނާގެ ތުރިލާ ފިލްމު "ކެނެޑީ" ޕްރީމިއާކުރުމަށެވެ. ސަނީ އަކީ، އެމެރިކަން އިންޑިއަނެކެވެ. އޭނާ އުފަންވެ ބޮޑުވެފައި ވަނީ ކެނެޑާގައެވެ. އަނދިރި މާޒީ އަކަށް ފަހު ، އިންޑިއާއަށް ބަދަލުވެ، އާއިލާ އާ އެކު އޭނާ މިހާރު ދިރިއުޅެނީ އިންޑިއާގައެެވެ. އޭނާގެ، 3 ކުދިން ތިބޭ އިރު އޭގެ ތެރެއިން އެއްކުއްޖަކީ އެޑޮޕްޓް ކޮށްފައިވާ ކުއްޖެކެެވެ. ބޮލީވުޑްގެ ގިނަ އައިޓަމް ސޮންގް ތަކުން މަގުބޫލުކަން ހޯދާފައިވާ ސަނީ ބޮލީވުޑަށް ނުކުތީ 2012 ގެ ފިލްމު "ޖިސްމު 2" އިންނެވެ.