ފަލަސްތީނު ކަޓުވާލުމަށްފަހު ގަތަރު އޭޝިއަން ކަޕްގެ ކުއާޓަރ އަށް

އޭޝިއާގެ އެނެމެ ބޮޑު ފުޓްބޯޅަ މުބާރާތް ކަމުގައިވާ އޭ އެފް ސީ އޭޝިއަން ކަޕްގެ ކުއާޓަރފައިނަލަށް ގަތަރު ދަތުރު ކޮށްފިއެވެ. އޭޝިއަން ކަޕްގެ ދެވަނަ ބުރުގައި ރޭ ކުޅެވުނު މެޗްގައި ގަތަރު ކުއާޓަރ ފައިނަލަށް ދަތުރުކުރީ ފަލަސްތީނުގެ މައްޗަށް 2-1 ގެ ނަތީޖާއަކުން ކުރި ހޯދައިގެންނެވެ. މުބާރާތުގެ ދެވަނަ ބުރުގެ މެޗުތައް މިހަފްތާގެ އާދީއްތަ ދުވަހުގެ ރޭ ފަށާފައިވާ އިރު، އެންމެ ފުރަތަމަ ކުއާޓާ ޖާގަތައް ދަތުރުކުރީ އޮސްޓްރޭލިއާއި ތަޖިކިސްތާނެވެ. ފޯރިގަދަކޮށް ކުޅެވުނު ރޭގެ މެޗްތަކުން ފަލަސްތީނު ކަޓާފައިވާއިރު އިރާގުވެސް ކަޓާފައިވަނީ ފޯރިގަދަ އަދި ވާދަވެރި މެޗަކަށްފަހު 2-3 ގެ ނަތީޖާއަކުން ޖޯޑަން އަތުން ބަލިވުމުންނެވެ. މި މުބާރާތުގެ ދެވަނަބުރުގައި ކުއާޓާއިން ޖާގަ އެއް ހޯދުމަށް މިއަދުވެސް 2 މެޗް ކުޅެވޭނެއެވެ. އެގޮތުން ފުރަތަމަ މެޗްގައި މިއަދު ހަވީރު ރާއްޖޭގަޑިން 4:30 ގައި ބައްދަލުކުރާނީ އުޒްބަކިސްތާނާއި ތައިލޭންޑްއެވެ. އަދި މިރޭ 9:00 ގައި ފަށާ މެޗްގައި ވާދަކުރާނީ ސައުދީ އަރަބިއްޔާ އާއި ސައުތު ކޮރެއާއެވެ. މިއީ މި މުބާރާތުގައި ކުޅޭވޭ އެންމެ ފޯރިގަދަ މެޗަށްވުން އެކަށީގެންވެއެވެ.