އިންޑިއާ ޕާކިސްތާނުގެ އޮލިމްޕިކްސް ގަދަހިފުން އޮލިމްޕިކްސްގެ ރެކޯޑަކާއެކު ކާމިޔާބުކުރީ ޕާކިސްތާނުން

ފްރާންސް ގައި ކުރިއަށްދާ ހޫނު މޫސުމުގެ އޮލިމްޕިކްސް ޖެވެލިން އުކުމުގެ އިވެންޓުން ފައިނަލަށް ގޮސްފައިވާ އިންޑިއާގެ ނީރަޖް ޗޯޕްރާ އާއި ޕާކިސްތާނުގެ އަރްޝަދު އާ ދެމެދު ބޭއްވި ފައިނަލުގައި އޮލިމްޕިކްސްގެ އައު ރެކޯޑަކާއެކު އެ މުބާރާތުގެ ރަންމެޑަލް ހޯދީ ޕާކިސްތާނުގެ އަރުޝަދު ނަދީމު އެވެ. އިންޑިއާއިން މިފަހަރުގެ އޮލިމްޕިކްސް ގައި އެގައުމަށް ރަންމެޑަލް ހޯދައިދޭނެކަމަށް އެއްމެބޮޑަށް އުންމީދު ކުރި އެއް އެތުލީޓަކީ އެ ގައުމުގެ ޖެވެލިންގ އުކުންތެރިޔާ ނީރަޖު ޗޯޕްރާއެވެ. ނަމަވެސް ފައިނަލް އިވެންޓް ގައި ނީރަޖް ޗޯޕްރާއަށް އެއްލުނީ 89.45 މީޓަރަށެވެ. ނަމަވެސް ޕާކިސްތާނުގެ އަރުޝަދު ނަދީމު 92.97 މީޓަރަށް އެއްލައިގެން ވަނީ އޮލިމްޕިކްސްގެ އައު ރެކޯޑެއް ގާއިމްކޮށް އިންޑިއާގެ މައްޗަށް ކުރި ހޯދާފައެވެ. މިފަހަރުގެ އޮލިމްޕިކްސް ގައި ރަންމެޑަލް ހޯދާނެކަމަށް ދެން އެއްމެ ބޮޑަށް އިންޑިއާއިން އުންމީދުކުރި އެތްލީޓަކީ އެގައުމުގެ އުންމީދީ ރެސްލަރު ވިނޭޝް ޕޮގަޓް އެވެ. 50 ކިލޯގެ ފްރީ ރެސްލިންގ ފައިނަލަށް އޭނާ ދިޔަ ނަމަވެސް ފައިނަލުގެ ކުޑަވަގުކޮޅެއްކުރިން ވިނޭޝް ޕޮގަޓް ގެ ހަށިގަނޑު 100 ގްރާމު ބަރުވުމުން އެ އިވެންޓުން އޭނާ ވަނީ ޑިސްކޮލިފައިކޮށްފައެވެ.