އިންގުލަންޑުގެ ފޯވާޑް ޑޮމިނިކް ސޮލަންކެ ޓޮޓެންހަމް އާއި ގުޅިއްޖެ

އިންގުލަންޑުގެ ފޯވާޑް 26 އަހަރުގެ ޑޮމިނިކް ސޮލަންކެ 65 މިލއަން ޕައުންޑުގެ އެއްބަސްވުމެއްގެ ދަށުން ޓޮޓެންހަމް އާއި ގުޅިއްޖެއެވެ. އިނގިރޭސި ޕްރިމައރ ލީގުގެ މެޗުތައް ފެށެން ކުޑަތަންވެފައިވަނިކޮށް ޓޮޓުންހަމަ އަށް ގެނައި މި ކުޅުންތރެއިއަކީ އިނގިރޭސި ޖޫނިއަރ އެކި އުމުރުފުރައިގެ ގައުމީޓީމް ތަކަށް ކުޅެފައިވާ ކުޅުންތެރިއެކެވެ. ޗެލްސީ އިން ޕްރިމިއާ ލީގަށް ތަޢާރަފްވި ޑޮމިނިކް ސޮލަންކެ ވަނީ ލިވަޕޫލް އަށްވެސް ކުޅެފައެވެ. ޓޮޓުންހަމް އަށް ބަދަލުވިއިރް ޑޮނިމިކް ސޮލަންކެ ކުޅެމުންއައި ބޯންމައުތު އަށެވެ. އޭނާ ވަނީ އެ ޓީމަށް 199 މެޗް ކުޅެދީ 72 ގޯލް ކާމިޔާބުކޮސްދީފައެވެ. ޓޮޓުންހަމް ގެ ކޮންޓްރެކްޓަގައި ސޮއިކުރުމަށްފަހު ޑޮމިނިކް ސޮލަންކެ ބުނެފައިވަނީ ޓޮޑުންހަމްގެ މެނޭޖަރާއި ކުޅުންތެރިންނަކީ ކާމިޔަބީއަށް ވަރަށްބޮޑަށް މަސައްކަތްކުރާ ބައެއްކަމަށާއި އެމީހުންނާއެކު ފަށާގަންނަން އޭނާ މިހާރުހީ ކެތްމަދުވެފައިކަމަށެވެ.