ވޯޓުލާ ބައެއް ފޮށިތައް ދޮށުގައި ހަމަނުޖެހުން ހިނގައިފި

މިހާރު ކުރިއަށްދާ ޕްރޮގްރެސިވް ކޮންގްރެސް ކޯލިޝަނުގެ ކުރިއަށް އޮތް ދައުރުގެ ރައްޔިތުން މަޖިލިސް އިންތިހާބުގެ ޕްރައިމަރީގެ ވޯޓުލުމުގައި ބައެއް ފޮށިތައް ދޮށުގައި ހަމަނުޖެހުން ހިނގައިފިއެވެ. މިނިވަންއަށް މައުލޫމާތު ލިބިފައިވާ ގޮތުގައި ވިލިމާލޭގައި ބެހެއްޓި ވޯޓު ފޮއްޓެއް ދޮށުގައި ވަނީ ހަމަނުޖެހުން ހިނގާފައެވެ. މައިގަނޑު ސަބަބެއްކަމަށް ވަނީ ވޯޓުލާން ދިޔައިރު ނަން އުނިކޮށްފައި އޮތުމުންނެވެ. ވޯޓުލާން ދިޔަ ބައެއް މީހުންގެ ނަންތައް ލިސްޓްގައި ނަން ނެތުމުން ހެންވޭރު ސަރަހައްދުގައި ބަހައްޓާފައި ބައެއް ފޮށިތައް ދޮށުގައި ވަނީ ހަމަނުޖެހުން ހިނގާފައެވެ. ބައެއް ވޯޓުފޮށިތައް ދޮށުގައި ހިނގި ހަމަނުޖެހުންތައް ފުލުހުން ކޮންޓްރޯލް ކުރިއިރު، ވޯޓު ލުމުގެ ކަންކަން މެދުކެނޑިފައިވާކަން ފާހަގަކޮށްލެވެއެވެ. މީގެ އިތުރުން ވޯޓްލާން ޖެހޭ ފޮށި ނޫން އެހެން ފޮއްޓަށް ވޯޓުލާކަމުގެ މައްސަލަވެސް ވަނީ ފެންމަތިވެފައެވެ. https://twitter.com/afsal_afey/status/1751128808076476679 މިނިވަންއަށް މައުލޫމާތު ހިއްސާކުރަމުން ފުލުހުން ބުނީ ބައެއް ވޯޓުފޮށިދޮށުގައި ހަމަނުޖެހުން ހިނގިނަަވެސް އެކަންކަން ކޮންޓްރޯލް ވެފައިވާކަމަށެވެ. އަދި ހަމަނުޖެހުމާ ގުޅިގެން އެއްވެސް މީހަކު ހައްޔަރުކޮށްފައި ނުވާނޭކަމަށްވެސް ފުލުހުން ބުންޏެވެ. ޕީޕީއެމް/ޕީއެންސީ މަޖިލިސް އިންތިހާބުގެ ޕްރައިމަރީ ވޯޓުލުން ފަށާފައިވަނީ ހެނދުނު ދިހައެއް ޖެހިފަހުންނެވެ. ވޯޓުލުން ހަވީރު ފަހެއް ޖެހުމާއި ހަމައަށް ކުރިއަށްގެންދިއުމަށް ނިންމާފައިވާއިރު، ޕްރައިމަރީ އިންތިހާބުގައި މިފަހަރު 73 ދާއިރާއަކުން 71،000 ހަށްވުރެ ގިނަ މީހުންނަށް ވޯޓުލުމުގެ ހައްގު ލިބިގެންވާކަމަށް ޕީއެންސީން ބުނެއެވެ. [caption id="attachment_96555" align="alignnone" width="1007"] ޕީޕީއެމް/ޕީއެންސީ މަޖިލިސް ޕްރައިމަރީ ވޯޓުލުުގެ ތެރެއިން--- ފޮޓޯ: ނުހާ އަހުމަދު / މިނިވަން[/caption] ޕީޕީއެމް/ޕީއެންސީ މަޖިލިސް ޕްރައިމަރީ ވޯޓުލުން ފަށާފައިވާއިރު، ބައެއް ދާއިރާތަކަށް އިތުރު މެމްބަރުން ކުރިމަތި ނުލާތީވެ، ޕްރައިމަރީއަކާ ނުލައި ޕީޕީއެމް/ ޕީއެންސީގެ 13 މެމްބަރަކަށް ރައްޔިތުން މަޖިލީހުގެ މެމްބަރުކަމަށް ވާދަކުރުމަށް ޓިކެޓް ކަށަވަރުވެފައިވާކަަމަށް ޕީއެންސީން ވަނީ ބުނެފައެވެ.