ތަކަންދޫ ކައުންސިލްގެ ބައި އިލެކްޝަން އެމްޑީޕީއަށް

ތަކަންދޫ ކައުންސިލްގެ ބައި އިލެކްޝަން އެމްޑީޕީން ވާދަކުރެއްވި ފާތިމަތު ޝައުފާ ކާމިޔާބުކުރައްްވައިފިއެވެ. ފާތިމަތު ޝައުފާ މި އިންތިހާބު ކާމިޔާބުކުރެއްވީ މިއަދު އޮތް ބައި އިލެކްޝަންގައި އަމިއްލަ ގޮތުން ވާދަކުރެއްވި ފަހީމާ މުހައްމަދާ ވާދަކޮށްގެންނެވެ. މި އިންތިހާބުގައި ޝައުފާއަށް 237 ވޯޓް ލިބުނު އިރު ފަހީމާއަށް ލިބުނީ 203 ވޯޓެވެ. މި އިންތިހާބުގައި 675 މީހަކަށް ވޯޓްލުމުގެ ހައްގު ލިބިފައިވިއެވެ. ވޯޓްލީ މީހުންގެ އިންސައްތައަކީ 66.37 ޕަސެންޓެވެ. ވޯޓްލީ މީހުންގެ ތެރެއިން 8 ވޯޓް ބާތިލްވިއެވެ. https://twitter.com/MDPSecretariat/status/1616792393122189314 ތަކަންދޫ ކައުންސިލްގެ 1 ގޮނޑި ހުސްވީ އެކައުންސިލްގެ އެމްޑީޕީ ކައުންސިލަރު ޒާހިޔާ އަލީ މަގާމުން އިސްތިއުފާ ދެއްވުމުންނެވެ.