ޑިމޮކްރެޓްސްގެ ރިޔާސީ ޓިކެޓަށް ވާދަކުރުމުގެ ފުރުސަތު ހުޅުވާލުމާއިއެކު ރައްރިތުންގެ މަޖިލީހުގެ ހުޅުދޫ ދާއިރާގެ މެންބަރު އިލްޔާސް ލަބީބް ވަނީ ޕްރައިމަރީގައި ވާދަކުރައްވާނެކަން އިއުލާން ކުރައްވާފަ އެވެ.
އިލްޔާސް ކުރެއްވި ޓްވީޓެއްގައި ވިދާޅުވެފައިވަނީ 2023 ގެ ރިޔާސީ އިންތިހާބުގައި ޑިމޮކްރެޓްސްގެ ފަރާތުން ނެރޭ ކެންޑިޑޭޓެެއް ހޮވުމަށް ބާއްވާ ޕްރައިމަރީގައި ވާދަ ކުރުމަށް ގަސްތު ކުރައްވާ ކަމަށެވެ. އަދި ހުރިހާ މެންބަރުން އޭނާއަށް ތާއިދު ކުރުމަށްވެސް އެދިފައިވެ އެވެ.
ޑިމޮކްރެޓްސްގެ ރިޔާސީ ޓިކެޓަށް ވާދަ ކުރުމަށް ހުޅުވާލައިފައިވާއިރު އެ ޕާޓީގެ ރިޔާސީ ޓިކެޓަށް ވާދަކުރުމުގެ ޝައުގުވެރިކަމެއް ނެތްކަމަށް ރައީސް ނަޝީދު އިއްޔެވަނީ އިއުލާން ކުރައްވާފަ އެވެ.
