ވެއްޓުނު ފްލައިޓުން ސަލާމަތްވި ހަތަރު ކުދިން މަހެއް ފަހުން ހޮސްޕިޓަލުން ދޫކޮށްލައިފި

އެމެޒަން ޖަންގަލީ ސަރަހައްދުން ދަތުރުކުރަމުން ދަނިކޮށް ވެއްޓުނު މަތިންދާ ބޯޓުން  ސަލާމަތްވި ކޮލަމްބިއާގެ ހަތަރު ކުދިން މަހަކަށްވުރެ ގިނަ ފަހުން ހޮސްޕިޓަލުން ދޫކޮށްލައިފިއެެވެ. ފްލައިޓުން ސަލާމަތްވި އެ ކުދިން ޖަންގަލީގައި ފަސް ހަފުތާއަށް ވުރެ ގިނަ ދުވަސް ހޭދަކުރިއެވެ. އުމުރުން އެއް އަހަރާއި 13 އަހަރާ ދެމެދުގެ މި ކުދިންތައް ހޮސްޕިޓަލުން ދޫކޮށްލީ މިދިޔަ ބުރާސްފަތި ދުވަހުގެ ރޭގެ ވަގުތެއްގައެވެ. މެއި މަހުގެ އެއްވަނަ ދުވަހު ހިނގި ފްލައިޓު ވެއްޓުނު ހާދިސާ ގައި އެ ކުދިންގެ މަންމަވެސް ވަނީ ނިޔާވެފައެވެ، ންމެހެން ބޭނުންވާ ބޭސްފަރުވާ ލިބި މޮނިޓަރިންގެ ހާލަތުގައެވެ. އެ ކުދިން ފެނިފައި ވަނީ މިދިޔަ މަހުގެ ތެރޭގައި ވަރަށް ބޮޑު ދާއިރާއެއްގައި ސާޗް އެންޑް ރެސްކިއު އޮޕަރޭޝަނަކަށް ފަހުއެވެ. ރިޕޯޓްތައް ބުނާ ގޮތުން އެ ކުދިން ޖަންގަލީ ތެރޭގައި އެހާ ގިނަ ދުވަސް ވަންދެނުން ސަލާމަތުން ތިބީ ޖަންގަލީއަށް ފަރިތަވުމާއި ދައްތަގެ ހިތްވަރުންނެވެ. "އެމީހުންގެ ސައިޒާއި ބަރުދަން މިހާރު ރަނގަޅު. ހަގީގަތުގައި ވެސް އެ މީހުން ވަރަށް ރަނގަޅު،" އެ ގައުމުގެ ޗައިލްޑް ވެލްފެއާ އިންސްޓިޓިއުޓްގެ ޑިރެކްޓަރު އެސްޓްރައިޑް ކެސެރެސް ހުކުރު ދުވަހު ނޫސްވެރިންނާ ވާހަކަ ދައްކަވަމުން ވިދާޅުވިއެވެ. " ދެން އޮންނާނީ އެކުދިން ބެލެހެއްޓުމާއި ރައްކާތެރިކުރުމުގެ ދެވަނަ މަރުހަލާ " އޭނާ ވިދާޅުވިއެވެ. އެ ކުދިން ހޯދުމުގެ މަސައްކަތުގައި ގާތްގަނޑަކަށް 200 އެއްހާ އަސްކަރިއްޔާއިން ހަރަކާތްތެެރިވިއެވެ. އެ ކުދިންގެ ބެލެނިވެރިކަމުގެ އެންމެ ފަހުގެ އިންތިޒާމުތައް ކަނޑައަޅާނީ ހަ މަސް ދުވަހުގެ ތެރޭގަ އެވެ. ތަރުޖަމާނު ކެސެރެސް ވިދާޅުވީ މިހާރު އެންމެ މުހިއްމު އަދި ކުރިއަށް މަރުހަލާއަކީ ކުޑަކުދިންގެ ރައްކާތެރިކަން ކަށަވަރު ކުރުމަށް ކަމަށެވެ.