އެމެރިކާ އާއި އީރާނުގެ އޮފިޝަލުން މޭ މަހު ބައްދަލުކުރި: ރިޕޯޓް
އެމެރިކާ އާއި އީރާނުގެ އޮފިޝަލުން މޭ މަހު ބައްދަލުކުރި: ރިޕޯޓް
ލިޔުން:
ނިއުކްލިއާ ޕްރޮގްރާމާއި އެކަމާ ގުޅުން ހުރި އެހެނިހެން ކަންކަމާ ގުޅޭގޮތުން މޭމަހު، އީރާނާ އެމެރިކާއާ ދެމެދު މަޝްވަރާތަކެއް ކުރިއަށް ގެންގޮސްފައިވާ ކަމަށް ރިޕޯޓްތައް ބުނެފިއެވެ.
އެމެރިކާގެ ނޫހެއް ކަމަށްވާ އެކްސިއޯސް އިން ތިން މަސްދަރަކާ ހަވާލާދީ ރިޕޯޓްކޮށްފައިވާ ގޮތުން އޮމާންގައި ބޭއްވި މަޝްވަރާތަކުގައ އެމެރިކާގެ ފަރާތުން ބައިވެރިވީ ވައިޓް ހައުސްގެ މެދުއިރުމަތީގެ ކޯޑިނޭޓަރު ބްރެޓް މެކްގާކްއެވެ. އީރާނުގެ ފަރާތުން ނިއުކްލިއާ މަޝްވަރާވެރިޔާ އަލީ ބަގެރީ ކާން ބައިވެރިވި ކަމަށް ރިޕޯޓް ކޮށްފައިވެއެވެ.
އެކްސިއޯސް ރިޕޯޓްކޮށްފައިވާ ގޮތުގައި މަޝްވަރާގައި ބައިވެރިވި އޮމާންގެ އޮފިޝަލުންނަކީ ވަކި ތަންތަނުގައި ތިއްބެވި އެމެރިކާ އާއި އީރާނުގެ ޑިޕްލޮމެޓުންގެ މެދުގައި މެދުވެރިއެއްގެ ގޮތުގައި މަސައްކަތް ކުރެއްވި އޮފިޝަލުންނެވެ.
އީރާނުގެ ހާރިޖީ ވުޒާރާގެ ތަރުޖަމާނު ނާސިރު ކަނާނީ ހޯމަ ދުވަހު ބޭއްވި ނޫސްވެރިންގެ ބައްދަލުވުމެއްގައި ވިދާޅުވީ އޮމާނުގެ "މަސްކަޓް މަޝްވަރާތައް ސިއްރު ނޫން" ކަމަށެވެ. އޮމާން މެދުވެރިކޮށް ދެ ފަރާތުގެ މެދުގައި މެސެޖުތައް ބަދަލުކޮށްފައިވާކަން ކަނާނީ ވަނީ ކަށަވަރު ކޮށްދީފައެވެ.
ނަމަވެސް އީރާނާއި ދުނިޔޭގެ ބާރުތަކާ ދެމެދު 2015 ވަނަ އަހަރު ސޮއިކުރި ނިއުކްލިއާ އެއްބަސްވުން ފިޔަވައި ވަކި އިންތިގާލީ އެއްބަސްވުމެއް އެކުލަވާލުމުގެ ވިސްނުމެއް ނެތް ކަމަށް އޭނާ ވިދާޅުވިއެވެ. އެ އެއްބަސްވުމަށް ހީނަރުކަމެއް އައީ އޭގެ ތިން އަހަރު ފަހުން އެމެރިކާގެ ކުރީގެ ރައީސް ޑޮނަލްޑް ޓްރަމްޕް އެ އެއްބަސްވުމުން ވަކިވެވަޑައިގަތުމުންނެވެ.
ކިޔުންތެރިންގެ ސަމާލުކަމަށް
ދަތުރުކުރަމުންދިޔަ ފުލައިޓެއްގެ ކުޑަދޮރު ހަލާކުވެ ބޭރަށް ދަމައިގަތް ޕަސެންޖަރަކު ސަލާމަތްކޮށްފި
އެމެރިކާއަށް ހިޖުރަކުރި މުސްލިމެއް ނިވްޔޯކުގެ މޭޔަރު ކަމަށް
ރައްޔިތުންގެ ސަލާމަތާއި ރައްކާތެރިކަމަށްޓަކައި ޕަޕްއާ ނިއުގިނީ ގައި ފޭސްބްކް މަނާކޮށްފި
އެއާ އިންޑިއާގެ ފްލައިޓެއް ފާޚާނާތައް ބްލޮކުވުމުން 10 ގަޑިއިރު ފަހުން އެނބުރި ފުރި މަންޒިލަށް
މިނިވަން ވިޔަފާރީގެ އެއްބަސްވުމާ އެމެރިކާއިން ޚިލާފުވުމުން ކެނެޑާއިން ދުނިޔޭގެ ވިޔަފާރި ޖަމިއްއޔާ އަށް
ޣައްޒާއާއި ގުޅޭގޮތުން އަރަބިންގެ ސިއްރު ބައްދަލުވުމެއް
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!