އިންޖީނު މައްސަލައެއްދިމާވެ އެމަޖެންސީގައި ޖެއްސި ސްވިސް އިންޓަނޭޝަނަލް އެއާލައިންގެ މަތިންދާ ބޯޓުގެ ކެބިންކުރޫ ހޮސްޕިޓަލުގައި ފަރުވާދެމުންދަނިކޮށް މަރުވެއްޖެ

އިންޖީނު މައްސަލައެއްދިމާވެ އެމަޖެންސީގައި ޖެއްސި ސްވިސް އިންޓަނޭޝަނަލް އެއާލައިންގެ މަތިންދާ ބޯޓުގެ ކެބިންކުރޫ ހޮސްޕިޓަލުގައި ފަރުވާދެމުންދަނިކޮށް މަރުވެއްޖެއެވެ. 74 ފަސިންޖަރުންނާއި 5 ކުރޫއިންނާއެކު ދަތުރުކުރި އެއާބަސް އޭ220-300 ޖެޓް ބުކަރެސްޓްއިން ޒިއުރިކަށް ދަތުރުކުރަމުން ދަނިކޮށް މިދިޔަ ޑިސެމްބަރު މަހުގެ 23 ވަނަ ދުވަހު އޮސްޓްރިއާގެ ގްރާޒްއަށް ޖައްސަން ޖެހުނީ އިންޖީނަށް މައްސަލަތަކެއް ދިމާވެ ކޮކްޕިޓާއި ކެބިންގައި ދުމުގެ އަސަރު ކުރުމުންނެވެ. އަދި ބޯޓް ޖެއްސުމާއެކު ދުމުގެ އަސަރުކުރި ކުރި ފަރާތްތަށް ވަނީ އިމަރޖެންސީގައި ހޮސްޕިޓަލަށް ގެންގޮސްފައެވެ. އިއްޔެ ސްވިޒަލެންޑުން ނެރުނު ބަޔާނެއްގައިވަނީ، ދުމުގެ އަސަރުކޮށްގެންގެން ހޮސްޕިޓަލަށް ފަރުވާދިނުމަށް ގެންދިޔަ ފަރާތްތަކުގެ ތެރެއިން ބޯޓުގެ ކުރޫއެއް ހޯމަ ދުވަހު ގްރާޒްގެ ހޮސްޕިޓަލުގައި މަރުވިކަން އިއުލާނުކޮށްފައެވެ.