މޯދީ ހުވާކުރުމުގެ ރަސްމިއްޔާތަށް މުޅި އިންޑިއާ އެލާޓުގައި
މޯދީ ހުވާކުރުމުގެ ރަސްމިއްޔާތަށް މުޅި އިންޑިއާ އެލާޓުގައި
ލިޔުން:
އިންޑިޔާގެ ބޮޑުވަޒީރު ތިން ވަނަ ދައުރަކަށް ހުވާކުރުމުން މިއަދު ދިއްލީގައި ކުރިއަށް ދާއިރު އިންޑިޔާގައި އޮތީ ތްރީ ލޭޔާ ސެކިއުރިޓީ ނިޒާމެއް އިއުލާނުކޮށްފައެވެ. އެއްގަމާއި ވައި އަދި ކަނޑުގެ ފައުޖުތަކުން މުޅި އިންޑިއާ ވަށާ ޖެހޭ ގޮތަށް ވަކިން ޚާއްސަކޮށް ދިއްލީގެ ސަލާމަތީ ކަންކަން މިހާތަނަށް ބޮޑު ވަޒީރަކު ހުވާކުރެއްވުމުގެ ރަސްމިއްޔާތެއްގައި ސަލާމަތީ ކަންކަން ވަރުގަދަ ނުކުރާ ވަރަށް ވަނީ ވަރުގަދަކޮށްފައެވެ.
އިންޑިޔާގެ މީޑިޔާއިން މައުލޫމާތު ދޭ ގޮތުގައި ދިއްލީގެ ސަލާމަތީ ކަންކަން މިއަދު ހުރީ ޖީ20 ސަމިޓުގައި ބޭނުންކުރި ސަލާމަތީ ފިޔަވަޅުތަކާ އެއްމިންވަރެއްގައެވެ.
ގްރައުންޑް ޓު އެއާ ސަވައިލެންސް އާއި ޒަމާނީ ނިޒާމުތަކާއި ސިއްރު ސްނައިޕަރުންގެ ސަބަބުން، މި އިވެންޓަށް ދައުވަތަށް ވަޑައިގެންނެވި ގައުމުތަކުގެ ލީޑަރުންނާއި މަންދޫބުންނަށް ރައްކާތެރިކަން ކަށަވަރު ކުރެވޭނެ އެވެ. ޖާސޫސީ އިދާރާތަކުގެ އެހީތެރިކަމާއެކު ދިއްލީ ޕޮލިހުން ދަނީ ސަލާމަތީ އިންތިޒާމުތައް ވަރަށް ފަރުވާތެރިކަމާއެކު ކޯޑިނޭޓް ކުރަމުންކަން މީޑިޔާއިން ފާހަގަކުރަމުން ބުނެފައި ވަނީ "މިއީ އިންޑިޔާއަށް ނެގެހެއްޓޭނެ އެންމެ މަތީ ސަލާމަތީ ފިޔަވަޅު"ތަކުގެ ގޮތުގައެވެ.
މޯދީ މިފަހަރުގެ އިންތިހާބު ކާމިޔާބުކުރެއްވީ ވާދަވެރި ކެމްޕޭނަކަށް ފަހު ވަރަށް ހަނި ގޮތަކަށެވެ. ވެރިކަން އެކުލަވާލީ އަމިއްލަ ބާރު ގެއްލި، ކޯލިޝަނެއްގެ އެހީގައެވެ. އެހެންކަމުން މޯދީއަށް ވެރިކަން ކުރުމުގައި ކުރިއަށް އޮތީ އުނދަގޫ ދުވަސްތަކެއް ކަމަށް ދިރާސާކުރާ ފަރާތްތަކުން ފާހަގަކުރެއެވެ.
"މޯދީއަކީ ބިރުދައްކައިގެން ވެރިކަން ކުރަމުން ގެންދިޔަ ހަރުކަށިވެރިއެއް. މިފަހަރު އެގޮތަށް މޯދީއަށް ބިރެއް ނުދެއްކޭނެ، އެއީ ކޯލިޝަން ރުއްސުމަށް ކުރަން ޖެހޭ ކަންކަން ގިނަވެފައި ކޯލިޝަންގެ މަސްލަހަތަށް މޯދީ ބޯލަނބަށް ޖެހޭނެތީ،" އިންޑިޔާގެ ސީނިއަ ނޫސްވެރިއަކު އޭނާގެ ބްލޮގްގައި ލިޔެފައިވެއެވެ. "އަބަދުވެސް ހުންނަވަން ޖެހޭނީ ކޯލިޝަން ރޫޅިދާނެތީ ބިރުން. މިއީ ކުރިން އޮތް ވަރުގަދަ ހާލަތެއް ނޫން މޯދީއަށް."
ކިޔުންތެރިންގެ ސަމާލުކަމަށް
ދަތުރުކުރަމުންދިޔަ ފުލައިޓެއްގެ ކުޑަދޮރު ހަލާކުވެ ބޭރަށް ދަމައިގަތް ޕަސެންޖަރަކު ސަލާމަތްކޮށްފި
އެމެރިކާއަށް ހިޖުރަކުރި މުސްލިމެއް ނިވްޔޯކުގެ މޭޔަރު ކަމަށް
ރައްޔިތުންގެ ސަލާމަތާއި ރައްކާތެރިކަމަށްޓަކައި ޕަޕްއާ ނިއުގިނީ ގައި ފޭސްބްކް މަނާކޮށްފި
އެއާ އިންޑިއާގެ ފްލައިޓެއް ފާޚާނާތައް ބްލޮކުވުމުން 10 ގަޑިއިރު ފަހުން އެނބުރި ފުރި މަންޒިލަށް
މިނިވަން ވިޔަފާރީގެ އެއްބަސްވުމާ އެމެރިކާއިން ޚިލާފުވުމުން ކެނެޑާއިން ދުނިޔޭގެ ވިޔަފާރި ޖަމިއްއޔާ އަށް
ޣައްޒާއާއި ގުޅޭގޮތުން އަރަބިންގެ ސިއްރު ބައްދަލުވުމެއް
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!