ތެލުގެ ދަތިކަމުގެ ސަބަބުން ބަންގްލަދޭޝުން ކަރަންޓު ކެނޑުން އިތުރު ދެ ހަފުތާއަށް
ތެލުގެ ދަތިކަމުގެ ސަބަބުން ބަންގްލަދޭޝުން ކަރަންޓު ކެނޑުން އިތުރު ދެ ހަފުތާއަށް
ލިޔުން:
ބަންގްލަދޭޝްގެ ފިނިހޫނުމިން އިތުރުވަމުންދާ އިރު ކަރަންޓު ބޭނުންކުރާ މިންވަރު އިތުރުވެ ތެޔޮ މަދުވުމުގެ ސަބަބުން އިތުރު ދެ ހަފުތާއަށް ކަރަންޓު ކެނޑޭނެ ކަމަށް ބެލެވޭ ކަމަށް އެ ގައުމުގެ ޕަވާ މިނިސްޓަރު ވިދާޅުވެއްޖެއެވެ.
ކަރަންޓުގެ ދަތިކަން ފެށުނީ މިދިޔަ އޭޕްރީލް މަހު ހޫނު ގަދަވުމުގެ ސަބަބުން ކަރަންޓުގެ ޑިމާންޑް ބޮޑުވެ، ތޫފާނުގެ ސަބަބުން އިންޖީނުގެތަކަށް ތެޔޮ ދިނުމަށް ގުދުރަތީ ގޭސް ސަޕްލައި ކުރުމަށް ހުރަސް އެޅުމުންނެވެ. މިދިޔަ އަހަރުގެ ފަހުކޮޅު ރެކޯޑް އަދަދަކަށް އަގު ބޮޑުވުމުގެ ސަބަބުން ބަންގްލަދޭޝްއިން ވަނީ ކަރަންޓު އުފެއްދުމަށް ބޭނުންކުރާ މައިގަނޑު ތެޔޮ ކަމަށްވާ ލިކުއިފައިޑް ނެޗުރަލް ގޭސް (އެލްއެންޖީ) އިމްޕޯޓް ކުރުން މަދުކޮށްފައެވެ.
ކަރަންޓް ކެނޑުމުގެ ބަންގްލަދޭޝްގެ އެޕަރަލް އެކްސްޕޯޓްގެ 80 އިންސައްތަ ހިއްސާކުރާ އިރު، ވޯލްމާޓް، ގެޕް އިންކް، އެޗްއެންޑްއެމް، ވީއެފް ކޯޕް، ޒާރާ އަދި އެމެރިކަން އީގަލް ފަދަ ބޮޑެތި ރީޓެއިލަރުންނަށް ވަނީ ނުރައްކާ ކުރިމަތިވެފައެވެ.
އެކްސްޕޯޓް ދަށްވުމުގެ ސަބަބުން އޭޕްރީލް މަހާ ހަމައަށް 12 މަސް ދުވަހުގެ ތެރޭގައި ގާތްގަނޑަކަށް ތިންބައިކުޅަ އެއްބައި ދަށަށް ގޮސްފައިވާ ބަންގްލަދޭޝްގެ ޑޮލަރުގެ ރިޒާވް އިތުރަށް ގޯސްވެ، ހަތް އަހަރުގެ އެންމެ ދަށުދަރަޖައަށް ދާނެއެވެ. ރިޒާވް ދަށްވުމުގެ ސަބަބުން ތެޔޮ އިމްޕޯޓަށް ފައިސާ ދެއްކުމުގެ ގާބިލްކަން ވަނީ މަދުވެފައެވެ.
ކަރަންޓް މިނިސްޓަރު ވިދާޅުވީ ފާއިތުވި ދެ މަސް ދުވަހުގެ ތެރޭގައި ކަރަންޓުގެ ދާއިރާއަށް ތެލުގެ ދަތިކަން ކުރިމަތިވިޔަ ނުދިނުމަށް ގިނަ މަސައްކަތްތަކެއް ކުރެވުނު ކަމަށާއި ނަމަވެސް ބޭނުންކުރާ މިންވަރު އިތުރުވުމުގެ ސަބަބުން އެ މަސައްކަތަށް އިތުރު ގޮންޖެހުންތަކެއް ކުރިމަތިވެފައިވާ ކަމަށެވެ. ތެލުގެ ދަތިކަމުގެ ސަބަބުން ކޮއިލުން އުފައްދާ މުހިންމު އިންޖީނުގޭގެ ކަރަންޓު ޔުނިޓެއް ބަންދުކުރުމަކީ ހާލަތު އިތުރަށް ގޯސްވާނެ ކަމެއް ކަމަށް ބެލެވެއެވެ.
ވިއްސާރަ މޫސުމުގައި ކަރަންޓުގެ ޑިމާންޑް ދަށަށް ދާތީ ކަރަންޓު ކެނޑުމުން ލިބޭ ހަމައެކަނި ލުޔެއް ލިބޭނީ ވިއްސާރަކުރުމާއެކުއެވެ. ނަމަވެސް ގިނަގިނައިން ކަރަންޓު ކެނޑުމުން އިދިކޮޅު ފަރާތްތަކުގެ ފާޑުކިޔުން އަމާޒުވެފައިވާއިރު، ހޫނުގަދަ ދުވަސްވަރު އާންމު ސިއްހަތަށް ކުރާ ނޭދެވޭ އަސަރުތަކާ މެދު ވަނީ ކަންބޮޑުވުން ފާޅުކޮށްފައެވެ.
ކިޔުންތެރިންގެ ސަމާލުކަމަށް
ދަތުރުކުރަމުންދިޔަ ފުލައިޓެއްގެ ކުޑަދޮރު ހަލާކުވެ ބޭރަށް ދަމައިގަތް ޕަސެންޖަރަކު ސަލާމަތްކޮށްފި
އެމެރިކާއަށް ހިޖުރަކުރި މުސްލިމެއް ނިވްޔޯކުގެ މޭޔަރު ކަމަށް
ރައްޔިތުންގެ ސަލާމަތާއި ރައްކާތެރިކަމަށްޓަކައި ޕަޕްއާ ނިއުގިނީ ގައި ފޭސްބްކް މަނާކޮށްފި
އެއާ އިންޑިއާގެ ފްލައިޓެއް ފާޚާނާތައް ބްލޮކުވުމުން 10 ގަޑިއިރު ފަހުން އެނބުރި ފުރި މަންޒިލަށް
މިނިވަން ވިޔަފާރީގެ އެއްބަސްވުމާ އެމެރިކާއިން ޚިލާފުވުމުން ކެނެޑާއިން ދުނިޔޭގެ ވިޔަފާރި ޖަމިއްއޔާ އަށް
ޣައްޒާއާއި ގުޅޭގޮތުން އަރަބިންގެ ސިއްރު ބައްދަލުވުމެއް
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!