ތައްޔާރުކުރި ކުކުޅުގައި ކުޅިރަހަ ހެޔޮވަރުނުވެގެން އަންހެނުން ކުޑަދޮރުން ބޭރަށް އެއްލާލައިފި

ޕާކިސްތާނުގެ ލާހޫރުގައި އަންހެނަކު ވަރަށް އަނިޔާވެރިގޮތަކަށް އުސް އިމާރާތެއްގެ ކުޑަދޮރުން ވައްޓާލައިފިއެވެ. ޕާކިސްތާނުގެ ނޫސްތައް ބުނާގޮތުގައި ކުޑަދޮރުން އެ އަންހެންމީހާ ވައްޓާލާފައިވަނީ އެ އަންހެންމީހާގެ ފިރިމީހާ އާއި މައިދަތަ އާ ދެމީހުން ވެގެންނެވެ. ކުޑަދޮރުން އެއްލާލި ސަބަބެއްކަމަށް ނޫސްތަކުގައި ބުނެފައިވަނީ އެ އަންހެންމީހާ ކެއްކި ކުކުޅުގައި ކުޅިރިހަ ހެޔޮވަރުނުވެގެން އައި ރުޅީގައެވެ. މީޑިއާގެ ރިޕޯޓްތައް ބުނާގޮތުގައި މިކަމެއް ހިނގާފައިވަނީ މީގެ ދެ ދުވަހެއް ކުރިންނެވެ. މި މައްސަލައާ ގުޅިގެން އަންހެން މީހާގެ ފިރިމީހާ ޒުބައިރު ވަނީ ފުލުހުންގެ ބެލުމުގެ ދަށަށް ގެންގޮސްފައެވެ. ކުޑަދޮރުން އަންހެންމީހާ ބިއްމައްޗަށް ވެއްޓުމާއެކު މާ ގިނައިރުތަކެއް ނުވަނީސް، އަވައްޓެރިންގެ ބަޔަކު ވަނީ އޭނާ ނަގައިގެން ވަރަށް އަވަހަށް ހޮސްޕިޓަލަށް ގެންގޮސް ފަރުވާދޭން ފަށާފައެވެ. މި ހާދިސާގައި އަންހެންމީހާ މަރުނުވެ ސަލާމަތްވި ނަމަވެސް، އޭނާގެ ފަޔަށާއި ހަށިގަނޑުގެ އެކި ތަންތަނަށް ލިބުނު އަނިޔާތަކާ ގުޅިގެން އޭނާ އޮތީ ވަރަށް ކުރިޓިކަލް ހާލަތެއްގައެވެ. https://twitter.com/MeghUpdates/status/1774133345540256187 އަންހެންމީހާ ކުޑަދޮރުން ވައްޓާލާ ވީޑިއޯގެ ސީސީޓީވީ ފޫޓޭޖް ސޯޝަލް މީޑިއާގައި މިހާރު ވަނީ ވައިރަލްވެފައެވެ. ޕާކިސްތާނަކީ އަންހެނުންނަށް އަނިޔާކުރުމުގެ ރިކޯޑް ވަރަށް މަތީގައި އުޅޭ ގައުމެއްކަމަށް ބައިނަލްއަޤްވާމީ ޖަމިއްޔާ ޖަމާއަތްތަކުގެ އިންޑެކްސްއިން ދައްކައެވެ.