ގަތަރު އެއާވޭސް ގެ ފްލައިޓަކަށް ދިމާވި ޓާބިއުލެންސް އެއްގައި 12 މީހުންނަށް އަނިޔާ ވެއްޖެ

ގަތަރުގެ ވެރިރަށް ދޯހާ އިން ފުރައިގެން އަޔަލެންޑް ގެ ވެރިރަށް ޑްބްލިންގ އަށް ދަތުރުކުރި ގަތަރު އެއާރވޭސްގެ ބޯއިންގ 9-787 ޑްރީމްލައިން މަރުކާގެ ބޯޓަށް ދިމާވި ޓާބިއުލެންސް އެއްގައި އެ ބޯޓުގެ 6 ޕަސިންޖަރަކާއި 6 ކުރޫއަކަށް އަނިޔާވެއްޖެއެވެ. މިއަދުގެ މެދުރު ޑްބްލިންގ ގެ އެއާޕޯޓަށް ބޯޓް ޖެއްސިއިރު ފުލުހުންނާއި އަލިފާންނިވާ ފަރާތްތަކާއި އަދި އެމަރޖެންސީ ފަރުވާދޭ ފަރާތްތައްވަނީ ކުއްލިހާލަތައްގެނެސްފައެވެ. މިމަހުގެ 21 ވަނަ ދުވަހު ލަންޑަނުން ފުރައިގެން ސިންގަޕޯރ އަށް ދަތުރުކުރި ސިންގަޕޯރ އެއާލައިންގެ ފުލައިޓަށް ދިމާވި ޓާބިއުލެންސްގައި 73 އަހަރުގެ މީހަކު ނިޔާވެ 100 އަށްވުރެ ގިނަ މީހުންނަށްވަނީ އަނިޔާވެފައެވެ. އަދި އޭގެ ތެރެއިން 20 މީހުންނަށް މިހާރުވެސް ދަނީ ހޮސްޕިޓަލުގައި ފަރުވާދެމުންނެވެ.