އުތުރު ކޮރެއާގެ ޖާސޫސީ ސެޓެލައިޓެއް ކަނޑަށް ވެއްޓިއްޖެ

އުތުރު ކޮރެއާއިން އަސްކަރީ ޖާސޫސީ ސެޓެލައިޓެއް އުދުއްސާލަން މަސައްކަތް ކުރި ނަމަވެސް އެކަން ނާކާމިޔާބުވެއްޖެއެވެ. އުތުރު ކޮރެއާއިން ފޮނުވާލި "ޗިއޯލިމާ-1" ނަމަކަށް ކިޔާ އާ ސެޓެލައިޓް ޓްރާންސްޕޯޓް ރޮކެޓް ވެއްޓުނީ ކޮރެއާގެ ހުޅަނގު ކަނޑުގެ ސަރަހައްދަށެވެ. އެއް ފިޔަވަޅަކުން ވަކިވުމަށް ފަހު ދެ މަރުހަލާގެ އިންޖީނުގެ އާދަޔާ ހިލާފު ސްޓާޓްއަޕެއް މި ރޮކެޓުގައި ހުރުމުގެ ސަބަބުން އެ ރޮކެޓުގެ މޮމެންޓަމް ގެއްލި، ވެއްޓުނެވެ. ދެކުނު ކޮރެއާގެ ޖޮއިންޓް ޗީފްސް އޮފް ސްޓާފް ވަނީ ލޯންޗް ދެނެގަނެ އެކަން ރިޕޯޓްކޮށްފައެވެ. މިއީ އުތުރު ކޮރެއާއިން ސެޓެލައިޓެއް އުދުއްސާލަން ކުރި ހަވަނަ، އަދި 2016 ވަނަ އަހަރަށް ފަހު ކުރި ފުރަތަމަ ފަހަރެވެ. މި ސެޓެލައިޓަކީ ޖާސޫސީ ސެޓެލައިޓަކަށް ހެދުމަށް ތައްޔާރުކޮށްފައިވާ ސެޓެލައިޓެއް ކަމަށާއި އެ ސެޓެލައިޓް ލޯންޗްކުރުމުން ސޯލްގެ އެއާ ރެއިޑް ސައިރަންތަކާއި ޖަޕާނުގައި އިންޒާރުތައް ދޭން ފެށި ކަމަށްވެއެވެ. އެ ރޮކެޓް ރާޑަރުން ގެއްލުނު އިރު، އެ ރޮކެޓް ގޮއްވާލާފައި ނުވަތަ ވައިގެ ތެރޭގައި ވެއްޓުނު ކަމަށް ބެލެވެއެވެ. އެންމެ ފަހުން ކަށަވަރުވީ އެ ރޮކެޓް ވެއްޓުނީ ޗައިނާ އާއި ދެކުނު ކޮރެއާގެ އެކްސްކްލޫސިވް އިކޮނޮމިކް ޒޯންތައް ބައްދަލުވާ ކަނޑުގެ ސަރަހައްދަށެވެ. ސެލްވޭޖް އޮޕަރޭޝަންތައް ކުރިއަށް ގެންދިޔައިރު، ޑިފެންސް މިނިސްޓްރީން އާންމުކުރި ފޮޓޯތަކުން ފެންނަނީ ބޮއިއަކާ ގުޅިފައިވާ ބޮޑު ސިލިންޑަރަލް އެއްޗެކެވެ. އުތުރު ކޮރެއާއިން ދާދި ފަހުން ސެޓެލައިޓް އުދުއްސާލުމަކީ ބެލިސްޓިކް މިސައިލް ޓެކްނޮލޮޖީ ބޭނުންކުރުން މަނާކުރާ އދ.ގެ ސަލާމަތީ މަޖިލީހުގެ ގަރާރުތަކާ ހިލާފު ކަމެކެވެ. އދގެ ސެކްރެޓަރީ ޖެނެރަލް އެންޓޯނިއޯ ގުޓަރޭޒް ވަނީ މި ލޯންޗް ކުށްވެރިކުރައްވައި 2019 ވަނަ އަހަރުން ފެށިގެން މެދުކަނޑާލާފައިވާ ނިއުކްލިއާ ހަތިޔާރު ނައްތާލުމުގެ މަޝްވަރާތައް އަލުން ފެށުމަށް ޕިޔޮންގްޔަންއަށް ގޮވާލައްވާފައެވެ. ދެކުނު ކޮރެއާ، ޖަޕާން އަދި އެމެރިކާގެ ޚާރިޖީ ވުޒާރާތަކުން ވަނީ ފޯނު ކޯލެއްގައި މި ލޯންޗް ކުރުން ހަރުކަށި އިބާރާތުން ކުށްވެރިކޮށްފައެވެ. އަދި އެކަމަށް ސަމާލުވެ ތިބުމަށް ވައުދުވެ، އަވަސް އަރުވާލައިގެން ކަންކަން ހައްލުކުރުމުގެ މުހިންމުކަމުގެ މައްޗަށް އަލިއަޅުއްވާލެއްވިއެވެ. ނިއުކްލިއާ ހަތިޔާރު ގެންގުޅޭ އުތުރު ކޮރެއާއިން ދަނީ އދ.ގެ ދަތިކުރުމުގެ ފިޔަވަޅުތަކާ އެކުވެސް ހަތިޔާރު ޒަމާނީ ކޮށް ފުޅާކުރަމުންނެވެ. އެ ގައުމުން ވަނީ 2022 ވަނަ އަހަރު ގިނަ އަދަދެއްގެ ޓެސްޓުތަކެއް ހަދާފައެވެ. އުތުރު ކޮރެއާއިން ބުނަނީ އެގައުމުގެ ހަރަކާތްތަކަކީ އަމިއްލަ ދިފާއުގައި ހިންގަން ޖެހޭ ހަރަކާތްތަކެއް ކަމަށެވެ.