އުތުރު ކޮރެއާއިން ދެކުނު ކޮރެއާއަށް ދެ ބެލިސްޓިކް މިސައިލް ފޮނުވާލައިފި
އުތުރު ކޮރެއާއިން ދެކުނު ކޮރެއާއަށް ދެ ބެލިސްޓިކް މިސައިލް ފޮނުވާލައިފި
ލިޔުން:
އުތުރު ކޮރެއާއިން ދެ ބެލިސްޓިކް މިސައިލް ފޮނުވާލާފައިވާ ކަމަށް ދެކުނު ކޮރެއާގެ އަސްކަރިއްޔާއިން ބުނެފިއެވެ.
ދެކުނު ކޮރެއާގެ އަސްކަރީ ޖޮއިންޓް ޗީފް އޮފް ސްޓާފް ގެ އޮފީހުން ނެރުނު ބަޔާނެއްގައި ބުނެފައިވަނީ ކުރު ރާސްތާގެ ބެލިސްޓިކް މިސައިލެއް ފޮނުވާލާފައިވަނީ މިއަދުގެ ފަތިހުގެ ވަގުތެއްގައި ކަމަށެވެ. އަދި އޭގެ ގާތްގަނޑަކަށް 10 ވަރަކަށް މިނެޓު ފަހުން ދެވަނަ މިސައިލެއް ފެނިފައިވާ ކަމަށާއި، މިއީ މީގެ ކުރިން ދެނެގަނެވިފައި ނުވާ ބާވަތެއްގެ މިސައިލެއް ކަމަށް ވެސް އެ ބަޔާނުގައި ބުނެފައިވެއެވެ.
އެހެންކަމުން އެ ހާދިސާތަކުގެ މައުލޫމާތު އެމެރިކާ އާއި ޖަޕާނާ ހިއްސާކޮށްފައިވާ ކަމަށްވެސް އެ ބަޔާނުގައި ބުނެފައިވެއެވެ. ނަމަވެސް އުތުރު ކޮރެއާގެ ރަސްމީ ކޮރެއަން ސެންޓްރަލް ނިއުސް އެޖެންސީ (ކޭސީއެންއޭ) އިން މި މިސައިލް ހަމަލާތައް ދިންކަން އަދި ކަށަވަރުކޮށްދީފައެއް ނުވެއެވެ.
މިދިޔަ ހަފުތާގައިވެސް އުތުރު ކޮރެއާއިން ވަނީ ގިނަ ވޯހެޑްތައް އުފުލޭ ބާވަތުގެ މިސައިލެއް ކާމިޔާބުކަމާއެކު ޓެސްޓްކޮށްފައެވެ. ދެ ކޮރެއާގެ ގުޅުން މިފަހަކަށް އައިސް އެންމެ ދަށަށް ގޮސްފައިވާ ދަނޑިވަޅުގައި އުތުރު ކޮރެއާއިން ވަނީ ހަތިޔާރު ޓެސްޓްކުރުން އިތުރުކޮށްފައެވެ. އަދި ބެލޫން ތަކެއްގައި ދެކުނު ކޮރެއާއަށް ކުނި އަޅާފައިވާ ބެލޫންތަކެއްވެސް އުތުރު ކޮރެއާއިންވަނި ފޮނުވާލާފައެވެ. އުތުރު ކޮރެއާއިން ބުނެފައިވަނީ އެ ބެލޫންތަކަކީ ދެކުނުކޮރެެއާގެ އެކްޓިވިސްޓުން އުތުރުކޮރެއާއަށް ފޮނުވި ސަރުކާރާ ދެކޮޅު ޕްރޮޕެގެންޑާ ލީފްލެޓްތައް ބަރުކޮށްފައިވާ ބެލޫންތަކުގެ ބަދަލު ހިފުމުގެ ގޮތުން ދިން މެސެޖެއް ކަމަށެވެ.
ކިޔުންތެރިންގެ ސަމާލުކަމަށް
ދަތުރުކުރަމުންދިޔަ ފުލައިޓެއްގެ ކުޑަދޮރު ހަލާކުވެ ބޭރަށް ދަމައިގަތް ޕަސެންޖަރަކު ސަލާމަތްކޮށްފި
އެމެރިކާއަށް ހިޖުރަކުރި މުސްލިމެއް ނިވްޔޯކުގެ މޭޔަރު ކަމަށް
ރައްޔިތުންގެ ސަލާމަތާއި ރައްކާތެރިކަމަށްޓަކައި ޕަޕްއާ ނިއުގިނީ ގައި ފޭސްބްކް މަނާކޮށްފި
އެއާ އިންޑިއާގެ ފްލައިޓެއް ފާޚާނާތައް ބްލޮކުވުމުން 10 ގަޑިއިރު ފަހުން އެނބުރި ފުރި މަންޒިލަށް
މިނިވަން ވިޔަފާރީގެ އެއްބަސްވުމާ އެމެރިކާއިން ޚިލާފުވުމުން ކެނެޑާއިން ދުނިޔޭގެ ވިޔަފާރި ޖަމިއްއޔާ އަށް
ޣައްޒާއާއި ގުޅޭގޮތުން އަރަބިންގެ ސިއްރު ބައްދަލުވުމެއް
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!