ކީވްއަށް ދިން އާ މިސައިލް ހަމަލާއެއްގައި ކުޑަކުދިންތަކެއް މަރުވެއްޖެ

ޔޫކްރޭންގެ ކިޔެވްއަށް ރަޝިޔާއިން ދިން މިސައިލް ހަމަލާއެއްގައި ދެ ކުއްޖަކާއި މީހަކު މަރުވެ، އެތައް ބަޔަކު ޒަހަމްވެއްޖެއެވެ. ރަޝިޔާއިން ގެންދަނީ ޔޫކްރެއިންގެ ވެރިރަށް ޔޫކްރެއިންއަށް މިސައިލާއި ޑްރޯން ބޭނުންކޮށްގެން ވައިގެ މަގުން ހަމަލާދެމުންނެވެ. އެންމެ ފަހުގެ ހަމަލާތައް ދީފައިވަނީ އިރުމަތީ ޑެސްނިޔަންސްކީ އާއި ޑިނިޕްރޮވްސްކީ ޑިސްޓްރިކްޓްތަކުގައެވެ. ޔޫކްރެއިންގެ އޮފިޝަލުން ވިދާޅުވީ މަރުވި މީހުންނާއި ޒަހަމްވި މީހުންގެ ތަފްސީލުތަކަކީ އިބްތިދާއީ މައުލޫމާތަށް ބިނާކޮށް ދީފައިވާ މައުލޫމާތުތަކެއް ކަމަށެވެ. މަރުވި ކުދިންގެ ތެރެއިން އެއް ކުއްޖަކީ ފަސް އަހަރާއި ހަ އަހަރާ ދެމެދުގެ ކުއްޖެކެވެ. އަނެއް ކުއްޖަކީ 12 ނުވަތަ 13 އަހަރު ކަމަށް ކީވް ސިޓީގެ އަސްކަރީ އެޑްމިނިސްޓްރޭޝަނުން ޓެލެގްރާމްގައި ލިޔެފައިވެއެވެ. އެ ދެ މީހުން ވެސް ތިބީ ޑެސްނިޔަންސްކީ ޑިސްޓްރިކްޓްގައެވެ. މި ހަމަލާ އައިސްފައި މިވަނީ ޔޫކްރެއިންގެ ވެރިރަށަށް މެއި މަހުގެ ތެރޭގައި 17 ހަމަލާއެއް ދީފައި ވަނިކޮށެވެ. ޓެލެގްރާމްގައި ކުރި ބައެއް ޕޯސްޓުތަކުގައި ކީވްގެ މޭޔަރު ވިޓަލީ ކްލިޓްޝްކޯ ވިދާޅުވީ އެ ސިޓީގައި ސިލްސިލާ ގޮއްވުންތަކެއް ގޮއްވާލާފައިވާ ކަމަށާއި މީހުން ސަލާމަތްކުރާ ފަރާތްތަކުން މަސައްކަތް ކުރަމުން އަންނަ ކަމަށެވެ. އޭނާ ވިދާޅުވީ 14 މީހަކަށް އަނިޔާވެފައިވާ ކަމަށާއި އޭގެ ތެރެއިން ނުވަ މީހަކު ހޮސްޕިޓަލަށް ގެންގޮސްފައިވާ ކަމަށެވެ. ޔޫކްރެއިންގެ އިރުމަތީ ލުހަންސްކް ސަރަހައްދުގެ ހިފާފައިވާ ސަރަހައްދުގައި ރަޝިޔާއަށް ތާއީދުކުރާ އޮފިޝަލުން ބުނީ ބުދަ ދުވަހު ޔޫކްރެއިންގެ ކުކުޅު ފާމަކަށް ދިން ބޮމުގެ ހަމަލާތަކުގައި ފަސް މީހުން މަރުވެ 19 މީހުން ޒަހަމްވެފައިވާ ކަމަށެވެ. ކިއެވްއަށް ބޮޑެތި ހަމަލާތަކެއް އަމާޒުވެފައިވާއިރު، ތަޖުރިބާކާރުން ގަބޫލުކުރާ ގޮތުގައި ޔޫކްރެއިންގެ ސަރުކާރުން އެތައް މަހެއް ވަންދެން ރާވަމުން އަންނަ ކައުންޓާ އެޓޭކްގެ ކުރިން ޔޫކްރެއިންގެ ވައިގެ ދިފާއީ ބާރުތައް ހަލާކުކޮށް، ގެއްލުން ދިނުމަށް ރަޝިޔާއިން ދަނީ މަސައްކަތް ކުރަމުންނެވެ.