އިޒްރޭލުގެ އަސްކަރިއްޔާއިން ފަލަސްތީނުގެ ނުވަ މީހުން މަރާލައިފި
އިޒްރޭލުގެ އަސްކަރިއްޔާއިން ފަލަސްތީނުގެ ނުވަ މީހުން މަރާލައިފި
ލިޔުން:
އިސްރާއީލު ސިފައިން ފަލަސްތީނުގެ ނުވަ މީހަކު މަރާލައިފިއެވެ.
ފަލަސްތީނުގެ ސިއްހަތާ ބެހޭ ވުޒާރާއިން ބުނީ މިދިޔަ ބުރާސްފަތި ދުވަހު ޖެނިން ރެފިއުޖީ ކޭމްޕަށް ދިން ހަމަލާގައި 20 މީހަކު ޒަހަމްވެފައިވާ ކަމަށެވެ. އޭގެ ތެރެއިން ހަތަރު މީހެއްގެ ހާލު ސީރިއަސްއެވެ.
މަރުވި މީހުންގެ ތެރޭގައި އުމުރުން ދުވަސްވީ އަންހެނަކު ވެސް ހިމެނޭ ކަމަށް ފަލަސްތީނުގެ އޮފިޝަލުން ބުނެއެވެ. ޖެނިން ހޮސްޕިޓަލްގެ އޮފިޝަލުން ބުނީ އޭނާ އަކީ މަގްދާ އޮބައިދު ނަމަކަށް ކިޔާ މީހެއް ކަމަށެވެ. އިސްރާއީލު ސިފައިން ބުނީ އަންހެން މީހާ މަރުވި ކަމުގެ ރިޕޯޓްތައް ލިބިފައިވާ ކަމަށާއި އެކަން ބަލަމުން އަންނަ ކަމަށެވެ.
ފަލަސްތީނުގެ ސިޔާސީ ޕާޓީ ފަތަހަ ޖަމާއަތާ ގުޅިފައިވާ ހަތިޔާރު އެޅި ލަޝްކަރެއް ކަމަށްވާ އަލް އަގްސާ ޝަހީދުންގެ ބްރިގޭޑުން ބުނީ، މަރުވި މީހުންގެ ތެރޭގައި އެ ޖަމާއަތުގެ އެއް ހަނގުރާމަވެރިއެއް ކަމަށްވާ އިއްޒުއްދީން ސަލާހު ވެސް ހިމެނޭ ކަމަށެވެ.
ހެލްތް މިނިސްޓްރީން ބުނީ އިތުރު މީހެއް ކަމަށްވާ ސާއިބް އަޒްރިކީ، 24، މަރުވެފައިވަނީ ހޮސްޕިޓަލުގައި ފަރުވާދެމުން ދަނިކޮށް ކަމަށެވެ. އެމީހުން ވަނީ ޒަހަމްވި މީހުން ހޮސްޕިޓަލަށް ގެންދާ އެމްބިއުލާންސްތަކަށް އިސްރާއީލު ސިފައިން ހުރަސް އަޅަމުންދާ ކަމަށް ތުހުމަތު ކޮށްފައެވެ.
ޖެނިންގެ ހޮސްޕިޓަލްތަކަށާއި އެމްބިއުލާންސްގައި ތިބި މުވައްޒަފުންނަށް އިސްރާއީލުން ދިން ހަމަލާތަކާ ދެކޮޅަށް ރަމަﷲ ހޮސްޕިޓަލް ކުރިމަތީގައި ޑޮކްޓަރުން އިހުތިޖާޖު ކުރާނެ ކަމަށް އެ މިނިސްޓްރީން ވަނީ ބުނެފައެވެ.
"އެމްބިއުލާންސް ޑްރައިވަރު މަސައްކަތް ކުރީ ބިންމަތީގައި ތިބި މީހުން ތެރެއިން އެކަކު ކައިރިއަށް ދާން، އެކަމަކު އިޒްރޭލު ސިފައިން ސީދާ އެމްބިއުލާންސަށް ބަޑި ޖަހައި އޭނާ ކައިރިއަށް ދިއުމަށް ހުރަސް އެޅި،" ހޮސްޕިޓަލުން ބުންޏެވެ.
ފަލަސްތީނުގެ ބޮޑުވަޒީރު މުހައްމަދު ޝްތަޔޭހް ނެރުއްވި ބަޔާނެއްގައި ވަނީ ފަލަސްތީނުގެ ރައްޔިތުންނަށް ރައްކާތެރިކަން ފޯރުކޮށްދިނުމަށާއި ކުޑަކުދިންނާއި ޒުވާނުންނާއި އަންހެނުންނާ ދެކޮޅަށް ހިންގާ ލޭ އޮހޮރުވުން ހުއްޓުވުމަށް އދ އާއި އިންސާނީ ހައްގުތަކަށް މަސައްކަތްކުރާ ބައިނަލްއަގުވާމީ ހުރިހާ ޖަމިއްޔާ ޖަމާއަތްތަކަށް ވަގުތުން ނުފޫޒު ފޯރުވުމަށް ގޮވާލާފައެވެ.
ގައްޒާގެ ވެރިކަން ކުރާ ހަމާސް ހަރަކާތުގެ އިސް ލީޑަރެއް ކަމަށްވާ ސާލިހް އަލް އަރޫރީ ވިދާޅުވީ އިޒްރޭލުން ދިން ހަމަލާގެ ބަދަލުހިފަން މާ ގިނަ އިރުތަކެއް ނުނަގާނެ ކަމަށެވެ.
ކިޔުންތެރިންގެ ސަމާލުކަމަށް
ދަތުރުކުރަމުންދިޔަ ފުލައިޓެއްގެ ކުޑަދޮރު ހަލާކުވެ ބޭރަށް ދަމައިގަތް ޕަސެންޖަރަކު ސަލާމަތްކޮށްފި
އެމެރިކާއަށް ހިޖުރަކުރި މުސްލިމެއް ނިވްޔޯކުގެ މޭޔަރު ކަމަށް
ރައްޔިތުންގެ ސަލާމަތާއި ރައްކާތެރިކަމަށްޓަކައި ޕަޕްއާ ނިއުގިނީ ގައި ފޭސްބްކް މަނާކޮށްފި
އެއާ އިންޑިއާގެ ފްލައިޓެއް ފާޚާނާތައް ބްލޮކުވުމުން 10 ގަޑިއިރު ފަހުން އެނބުރި ފުރި މަންޒިލަށް
މިނިވަން ވިޔަފާރީގެ އެއްބަސްވުމާ އެމެރިކާއިން ޚިލާފުވުމުން ކެނެޑާއިން ދުނިޔޭގެ ވިޔަފާރި ޖަމިއްއޔާ އަށް
ޣައްޒާއާއި ގުޅޭގޮތުން އަރަބިންގެ ސިއްރު ބައްދަލުވުމެއް
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!