އައިސިސްގެ ލީޑަރެއް ކަމަށް ބެލެވޭ މީހަކު މަރާލައިފި
އައިސިސްގެ ލީޑަރެއް ކަމަށް ބެލެވޭ މީހަކު މަރާލައިފި
ލިޔުން:
އިސްލާމީ ހަރުކަށި ޖަމާއަތް އައިއެސް ޖަމާއަތުގެ ލީޑަރު ކަމަށް ބެލެވޭ މީހަކު ތުރުކީގެ ޖާސޫސީ ބާރުތަކުން މަރާލާފައިވާ ކަމަށް އެ ގައުމުގެ ރައީސް ތައްޔިބް އުރުދުއާން ވިދާޅުވެއްޖެއެވެ.
އުރުދުއާން ވިދާޅުވީ އަބޫ އަލް ހުސައިން އަލް ހުސެއިނީ އަލް ގުރައިޝީ މަރާލާފައިވަނީ ތުރުކީގެ އިންޓެލިޖެންސުން އޭނާ އަށް ފާރާލައި، ހަރަކާތްތައް މޮނިޓާ ކުރަމުންދާތާ ދުވަސްތަކެއް ފަހުން ކަމަށެވެ.
"އޭނާ މަރާލާފައިވަނީ ތުރުކީގެ ނޭޝަނަލް އިންޓެލިޖެންސް އިއްޔެ (އާދިއްތަ ދުވަހު) ސީރިއާގައި ހިންގި އޮޕަރޭޝަނެއްގެ ތެރެއިން" އުރުދުއާން ވިދާޅުވިއެވެ. "އެއްވެސް ތަފާތުކުރުމެއް ނެތި ޓެރަރިސްޓް ޖަމާއަތްތަކާ ދެކޮޅަށް ކުރާ މަސައްކަތް ކުރިއަށް ގެންދާނަން" ތުރުކީގެ ރައީސް ވިދާޅުވިއެވެ.
ރިޕޯޓްތައް ބުނާ ގޮތުން އަބޫ އަލް ހުސައިން މަރާލާފައިވަނީ ތުރުކީއަށް ތާއީދުކުރާ ހަނގުރާމަވެރި ޖަމާއަތްތަކުގެ ބާރުގެ ދަށުގައި އޮންނަ ސީރިޔާގެ އުތުރު އަވަށެއް ކަމަށްވާ ޖިންދަރެސް ކައިރީގައެވެ. މިއީ ފެބްރުއަރީ މަހުގެ ހަވަނަ ދުވަހު ތުރުކީއާއި ސީރިއާއަށް އައި ބިންހެލުމުގައި އެންމެ ބޮޑަށް އަސަރުކުރި ސަރަހައްދުތަކުގެ ތެރޭގައި ހިމެނޭ އެއް ސަރަހައްދެވެ.
ހަނގުރާމަވެރިޔާ މަރާލުމާއި ގުޅިގެން އައިއެސް އިން ވަކި އެއްޗެއް ބުނެފައެއް ނުވެއެވެ. ޖިންދަރުސް އަވަށުގެ ކައިރީގައި ދިރިއުޅޭ މީހަކު ރޮއިޓާސް ނިއުސް އެޖެންސީއަށް މައުލޫމާތު ދިން ގޮތުގައި ހޮނިހިރު ދުވަހުގެ ރޭ އެ އަވަށުގެ ބޭރުގައި ހަމަނުޖެހުންތައް ފެށުނު އިރު، ގޮތުންތަކުގެ އަޑު ގާތްގަނޑަކަށް ގަޑިއެއްހާއިރު ދެމިގެން ދިޔައެވެ.
އައިއެސްގެ ލީޑަރަށް އަބޫ އަލް ހުސައިން އައްޔަންކުރީ މިދިޔަ އަހަރުގެ ނޮވެމްބަރު މަހުއެވެ. އިރާގާއި ސީރިއާގެ ބޮޑު ބައެއްގެ ކޮންޓްރޯލް އައިއެސް އަށް ލިބުނީ 2014 ވަނަ އަހަރު އެ ސަރަހައްދުގައި އިސްލާމީ ހަލީފާއެއް އިއުލާނު ކުރެއްވި އަބޫބަކުރު އަލް ބައުދާދީގެ އިސްނެގެމުގެ ދަށުންނެވެ.
ކިޔުންތެރިންގެ ސަމާލުކަމަށް
ދަތުރުކުރަމުންދިޔަ ފުލައިޓެއްގެ ކުޑަދޮރު ހަލާކުވެ ބޭރަށް ދަމައިގަތް ޕަސެންޖަރަކު ސަލާމަތްކޮށްފި
އެމެރިކާއަށް ހިޖުރަކުރި މުސްލިމެއް ނިވްޔޯކުގެ މޭޔަރު ކަމަށް
ރައްޔިތުންގެ ސަލާމަތާއި ރައްކާތެރިކަމަށްޓަކައި ޕަޕްއާ ނިއުގިނީ ގައި ފޭސްބްކް މަނާކޮށްފި
އެއާ އިންޑިއާގެ ފްލައިޓެއް ފާޚާނާތައް ބްލޮކުވުމުން 10 ގަޑިއިރު ފަހުން އެނބުރި ފުރި މަންޒިލަށް
މިނިވަން ވިޔަފާރީގެ އެއްބަސްވުމާ އެމެރިކާއިން ޚިލާފުވުމުން ކެނެޑާއިން ދުނިޔޭގެ ވިޔަފާރި ޖަމިއްއޔާ އަށް
ޣައްޒާއާއި ގުޅޭގޮތުން އަރަބިންގެ ސިއްރު ބައްދަލުވުމެއް
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!