އިގްތިސާދީ ދުވެލި ދަށް، ބަނޑުހައި ހޫނުކަމާއި ފަގީރުކަމުގެ ނުރައްކާ ބޮޑު: އައިއެމްއެފް
އިގްތިސާދީ ދުވެލި ދަށް، ބަނޑުހައި ހޫނުކަމާއި ފަގީރުކަމުގެ ނުރައްކާ ބޮޑު: އައިއެމްއެފް
ލިޔުން:
ދުނިޔޭގެ އިގްތިސާދުގެ ކުރިއެރުން މިއަހަރު ތިން އިންސައްތަ އަށް ވުރެ ދަށްވާނެ ކަމަށާއި އޭގެ ސަބަބުން ދުނިޔޭގެ އެކި ކަންކޮޅުތަކުގައި ބަނޑުހައިހޫނުކަމާއި ފަގީރުކަން އިތުރުވުމުގެ ފުރުސަތު ބޮޑުވާނެ ކަމަށް އިންޓަނޭޝަނަލް މަނިޓަރީ ފަންޑް (އައިއެމްއެފް)ގެ ވެރިޔާ ކްރިސްޓަލީނާ ޖޯޖީވާ ވިދާޅުވެއްޖެއެވެ
ބުރާސްފަތި ދުވަހު ކްރިސްޓަލީނާ ވިދާޅުވީ ކުރިއަށް އޮތް ފަސް އަހަރު ކުރިއެރުން ގާތްގަނޑަކަށް ތިން ޕަސެންޓްގައި ހިފެހެއްޓޭނެ ކަމަށް ލަފާކުރެވޭ ކަމަށެވެ. އޭނާ ވިދާޅުވީ މިއީ 1990 ވަނަ އަހަރުން ފެށިގެން މެދުރާސްތާގެ ކުރިއެރުން އަންދާޒާކުރާ އެންމެ ދަށް އަންދާޒާއެއް ކަމަށެވެ.
"ފަގީރުކަމާއި ބަނޑުހައިހޫނުކަން އިތުރަށް ގޯސްވެދާނެ، މިއީ ކޮވިޑް ކާރިސާއާ އެކު ފެށުނު ނުރައްކާތެރި ޓްރެންޑެއް،" އައިއެމްއެފްގެ ވެރިޔާ ވިދާޅުވިއެވެ.
އޭނާ މިހެން ވިދާޅުވެފައި މިވަނީ އަންނަ ހަފުތާގައި އައިއެމްއެފް އާއި ވޯލްޑް ބޭންކުން ބައްދަލުވުންތަކުގެ ބާއްވަން ނިންމާފައިވާއިރުއެވެ. އެ ބައްދަލުވުންތަކުގައި ދުނިޔޭގެ އިގްތިސާދަށް ދިމާވެފައިވާ އެންމެ މުހިންމު މައްސަލަތަކުގެ ވާހަކަ ސިޔާސަތުތައް ކަނޑައަޅާ ފަރާތްތަކުން ދައްކާނެއެވެ.
އަހަރީ ބައްދަލުވުން ބޭއްވުމަށް ހަމަޖެހިފައިވަނީ ދުނިޔޭގެ އެކި ކަންކޮޅުތަކުގެ މަރުކަޒީ ބޭންކުތަކުން އިންފްލޭޝަން ހުއްޓުވުމަށް އިންޓްރެސްޓް ރޭޓްތައް މަތިވަމުންދާ ދަނޑިވަޅެއްގައެވެ. އަދި ތަރައްގީވަމުން އަންނަ އިގްތިސާދުތަކުގައި ދަރަނީގެ ދަތިކަންވެސް އިތުރުވަމުންދާ ދަނޑިވަޅެއްގައެވެ.
ލޯނު ނެގުމުގެ ހަރަދު ބޮޑުވުމާއި މުދަލަށް އޮންނަ ޑިމާންޑް ދަށްވުމުގެ ސަބަބުން އާމްދަނީ ދަށް ގައުމުތަކަށް ބޮޑެތި ގެއްލުންތަކެއް ލިބުމުގެ ފުރުސަތު އެބައޮތް ކަމަށާއި އެކަމުގެ ސަބަބުން ފަގީރުކަމާއި ބަނޑުހައިހޫނުކަން އިތުރުވެދާނެ ކަމަށް ކްރިސްޓަލީނާ ވިދާޅުވިއެވެ.
"އާމްދަނީ މަދު ގައުމުތަކުގެ ތެރެއިން ގާތްގަނޑަކަށް 15 ޕަސެންޓް ގައުމު މިހާރުވެސް ދަރަނީގެ ހާލުގައި ޖެހިފައި، އަނެއް 45 ޕަސެންޓް މީހުން ތިބީ އެއާ ގާތުގައި،" އެހީވުމަށް އިތުރު މަސައްކަތްތަކެއް ކުރުމަށް އެކަމަނާ ގޮވާލެއްވިއެވެ.
އައިއެމްއެފްގެ ވެރިޔާ ވިދާޅުވީ އިންޓަރެސްޓް ރޭޓްތައް ބޮޑުވުމާއި އެމެރިކާ އާއި ޔޫރަޕްގެ ބޭންކްތައް ފެއިލްވުމާއި ސިޔާސީ ހިޔާލު ތަފާތުވުންތައް އިތުރުވަމުން ދިއުމަކީ ދުނިޔޭގެ އިގްތިސާދުގެ ސަލާމަތަށް ނުރައްކާވާ ކަމެއް ކަމަށެވެ.
ކިޔުންތެރިންގެ ސަމާލުކަމަށް
ދަތުރުކުރަމުންދިޔަ ފުލައިޓެއްގެ ކުޑަދޮރު ހަލާކުވެ ބޭރަށް ދަމައިގަތް ޕަސެންޖަރަކު ސަލާމަތްކޮށްފި
އެމެރިކާއަށް ހިޖުރަކުރި މުސްލިމެއް ނިވްޔޯކުގެ މޭޔަރު ކަމަށް
ރައްޔިތުންގެ ސަލާމަތާއި ރައްކާތެރިކަމަށްޓަކައި ޕަޕްއާ ނިއުގިނީ ގައި ފޭސްބްކް މަނާކޮށްފި
އެއާ އިންޑިއާގެ ފްލައިޓެއް ފާޚާނާތައް ބްލޮކުވުމުން 10 ގަޑިއިރު ފަހުން އެނބުރި ފުރި މަންޒިލަށް
މިނިވަން ވިޔަފާރީގެ އެއްބަސްވުމާ އެމެރިކާއިން ޚިލާފުވުމުން ކެނެޑާއިން ދުނިޔޭގެ ވިޔަފާރި ޖަމިއްއޔާ އަށް
ޣައްޒާއާއި ގުޅޭގޮތުން އަރަބިންގެ ސިއްރު ބައްދަލުވުމެއް
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!