ޑެންމާކުގެ ރާނީ، 52 އަހަރު ފަހު ވަކިވެވަޑައިގަންނަވަނީ

ޑެންމާކުގެ ރާނީ މާގްރެތު 2 ވަނަ 52 އަހަރަށް ފަހު މަގާމުން ވަކިވެޑައިގަންނަވަން ނިންމަވައިފައިވާކަން އިއުލާނުކުރައްވައިފިއެވެ. އެ ކަމަނާ ރަސްމީކޮށް މަޤާމުން ވަކިވެވަޑައިގަންނަވާނީ މި މަހުގެ 14 ވަނަ ދުވަހުއެވެ. މަޤާމުން ވަކިވެވަޑައިގަންނަވާކަން ރާނީ މާގްރެތު 2 ޢިއުލާނުކުރެއްވީ ޓީވީ މެދުކުރައްވައި ދެއްވެވި ޚިޠާބެއްގައެވެ. އުމުރުފުޅުން 83 އަހަރުގެ މާގްރެތު 2 ވަނައަކީ މިހާރު ދުނިޔޭގައި ހުންނެވި ހަމައެކަނި ރާނީއެވެ. އަދި އޭނާއަކީ މިހާރު ދުނިޔޭގައި ހުންނެވި ގައުމުތަކުގެ އިސްވެރިންގެ ތެރެއިން އެންމެ ގިނަ ދުވަހު ވެރިކަން ކުރެއްވި ބޭފުޅާއެވެ. 1972 ވަނަ އަހަރު ތަޚުތަށް އިސްވެވަޑައިގެންނެވި ރާނީ މާގުރެތު ވެވަޑައިގެންފައި ވަނީ 2022 ވަނަ އަހަރުގެ ސެޕްޓެމްބަރު މަހު އިނގިރޭސިވިލާތުގެ ރާނީ އެލިޒަބަތު ދެވަނަ އަވަހާރަވުމުން ވިލާތުގައި އެންމެ ގިނަ ދުވަހު ރަނިކަން ކުރެއްވި ރާނީއަށެވެ.