ކެމްބޯޑިއާގެ އިދިކޮޅު ޕާޓީއަށް، އިންތިހާބުގައި ވާދަނުކުރެވޭ ގޮތަށް ހަދައިފި
ކެމްބޯޑިއާގެ އިދިކޮޅު ޕާޓީއަށް، އިންތިހާބުގައި ވާދަނުކުރެވޭ ގޮތަށް ހަދައިފި
ލިޔުން:
ކެމްބޯޑިއާގެ އިދިކޮޅު މައި ޕާޓީ، ކެންޑަލްލައިޓް ޕާޓީއަށް ކުރިއަށް އޮތް ޖުލައި މަހު ބާއްވާ އިންތިހާބުގައި ވާދަނުކުރެވޭ ގޮތަށް ހަމަޖައްސައިފިއެވެ.
އެކަށީގެންވާ ލިޔެކިޔުންތަކެއް ނެތުމުން ކަމަށް ބުނެ، އެ ޕާޓީއަށް އިންތިހާބުގައި ވާދަނުކުރެވޭނެ ކަމަށް އިލެކްޓޯރަލް އޮތޯރިޓީން ވަނީ ބުނެފައެވެ.
ފާޑުކިޔާ ފަރާތްތަކުން ބުނަނީ ބޮޑުވަޒީރު ހޫން ސެންގެ މި ފިޔަވަޅަކީ ޖެހިޖެހިގެން ދެ ވަނަ އިންތިހާބަށް ހުރި ގޮންޖެހުމެއް ނައްތާލާން އެޅި ފިޔަވަޅެއް ކަމަށެވެ. 2018 ވަނަ އަހަރު ބޭއްވި އިންތިހާބުގައި ކެމްބޯޑިއާ ޕީޕަލްސް ޕާޓީއަށް ނެޝަނަލް އެސެމްބްލީގެ ހުރިހާ ގޮނޑިއެއް ލިބުނީ ސިޔާސީ ނުފޫޒު ގަދަ ކޯޓުތަކުން އިދިކޮޅު މައި ކޯލިޝަން އުވާލުމުންނެވެ.
މިދިޔަ އަހަރު ބޭއްވި ލޯކަލް ކޮމިއުނުގެ އިންތިހާބުގައި އެންމެ 22 ޕަސެންޓް ވޯޓު ލިބުނު ނަމަވެސް، އެ ޕާޓީވެގެން ގޮސްފައިވަނީ ބޮޑު ވަޒީރަށް އޮތް ހުރަހެއް ގޮތުގައެވެ.
އިންތިހާބުގައި ވާދަނުކުރެވޭނެ ކަމަށް ނިންމުމާއި ގުޅިގެން ކެންޑަލްލައިޓް ޕާޓީގެ ލީޑަރުން ވަނީ ހިތްހަމަނުޖެހުން ފާޅުކުރައްވާފައެވެ. އަދި ދުސްތޫރީ މަޖިލީހުގައި މައްސަލަ އިސްތިއުނާފު ކުރާނެ ކަމަށް އެ ޕާޓީން ބުނެއެވެ. މީގެ ކުރިން ބޭއްވި އިންތިހާބުތަކުގައި ބޭނުންނުވާ އާ ލިޔެކިޔުންތަކާއި މި ފަހަރު ކުރިމަތިލާން ޖެހުނެވެ. ޕާޓީގެ މެންބަރުންނަށް އަމާޒުކޮށް މާރާމާރީ ހިންގުމުގެ ހާދިސާތައް އިތުރުވަމުންދާކަން އެ ފަރާތްތަކުން ވަނީ ފާހަގަކޮށްފައެވެ.
އިދިކޮޅު ފަރާތްތައް އެއްފަރާތްކޮށް، ހަރުކަށި އަދަބުތައް ދިނުމާއި ސަރުކާރަށް ފާޑުކިޔާ މިނިވަން މީޑިއާތައް އަޑު ކަނޑުވާލުން ފަދަ ކަންތައްތައް ސަރުކާރުން ދަނީ ކުރަމުންނެވެ.
އޮބްޒާވަރުން ފާހަގަކުރާ ގޮތުގައި ހޫން ސެންގެ އަމަލުތަކުން ދައްކުވައިދެނީ ކެންޑަލްލައިޓް ޕާޓީއަށް މިއަހަރު ކުޑަ ގޮންޖެހުމެއް ކުރިމަތިވި ނަމަވެސް ކުރިމަތިވެދާނެ ކޮންމެ ނުރައްކަލެއް ކަނޑުވާލުމުގެ އަޒުމް ކަމަށެވެ.
ކިޔުންތެރިންގެ ސަމާލުކަމަށް
ދަތުރުކުރަމުންދިޔަ ފުލައިޓެއްގެ ކުޑަދޮރު ހަލާކުވެ ބޭރަށް ދަމައިގަތް ޕަސެންޖަރަކު ސަލާމަތްކޮށްފި
އެމެރިކާއަށް ހިޖުރަކުރި މުސްލިމެއް ނިވްޔޯކުގެ މޭޔަރު ކަމަށް
ރައްޔިތުންގެ ސަލާމަތާއި ރައްކާތެރިކަމަށްޓަކައި ޕަޕްއާ ނިއުގިނީ ގައި ފޭސްބްކް މަނާކޮށްފި
އެއާ އިންޑިއާގެ ފްލައިޓެއް ފާޚާނާތައް ބްލޮކުވުމުން 10 ގަޑިއިރު ފަހުން އެނބުރި ފުރި މަންޒިލަށް
މިނިވަން ވިޔަފާރީގެ އެއްބަސްވުމާ އެމެރިކާއިން ޚިލާފުވުމުން ކެނެޑާއިން ދުނިޔޭގެ ވިޔަފާރި ޖަމިއްއޔާ އަށް
ޣައްޒާއާއި ގުޅޭގޮތުން އަރަބިންގެ ސިއްރު ބައްދަލުވުމެއް
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!