ބަދަލުދިނުމުގެ ވާހަކައާ އެކު ކޮޕް 27 ސަމިޓް ފަަށައިފި
ބަދަލުދިނުމުގެ ވާހަކައާ އެކު ކޮޕް 27 ސަމިޓް ފަަށައިފި
ލިޔުން:
ޝަރުމުއްޝައިޚު، 6 ނޮވެމްވަރު (ރޮއިޓާސް)
މޫސުމަށް އަންނަ ބަދަލުތަކުގެ ގެއްލުން ލިބޭ ފަގީރު ގައުމުތަކަށް މުއްސަނދި ގައުމުތަކުން ބަދަލުދިނުމަށް ގޮވައިލާ ގޮވައިލުންތަކާ އެކު ކްލައިމެޓް ސަމިޓް 27 ( ކޮޕް 27) މިއަދު ފަށައިފި އެވެ.
މިސްރުގެ ޝަރުމުއްޝައިޚު ރިސޯޓުގައި މިއަދު ފެށި ސަމިޓްގައި އެންމެ ބޮޑު ނުތަނަވަސްކަމެއް އޮތީ މޫސުމަށް އަންނަ ބަދަލުތަކުގެ ގެއްލުން ތަހައްމަލުކުރާ މަދު އާމްދަނީގެ ގައުމުތަކަށް، ދުނިޔެ ހޫނުވުމާއި މޫސުމަށް އަން ބަދަލުތަކުގެ ޒިންމާ އެެންމެ ބޮޑަށް އުފުލަން ޖެހޭ ގައުމުތަކުން ގެއްލުމުގެ ބަދަލު ދިނުމާ ގުޅޭ މަޝްވަރާތަކާ މެދުގަ އެވެ.
މިއަދު ފެށި ޕްލެނަރީ ސެޝަންގައި އޮންނާނީ ކުރިއަށް އޮތް ދެ ހަފުތާ ތެރޭގައި ގައުމުތަކުގެ ވަފުދުތަކުން މަޝްވަރާކުރާނެ އެޖެންޑާއެއް އެކުލަވައިލުމެވެ. ބެލެވޭާ ގޮތުގައި ގެއްލުމުގެ ބަދަލުދިނުމާ ބެހޭ އިދާރާއެއް އުފެއްދުމުގެ ހުށަހެޅުމަކަށް 130 ގައުމެއްގެ ޑިޕްލޮމޭޓުން މަސައްކަތްކުާރާނެއެެވެ. އެއީ ފަންޑުކުރުމާ ބެހޭ ތިން އަހަރު ދުވަހުގެ މަޝްވަރާއެއްގެ ބަދަލުގައެވެ.
ގެއްލުމުގެ ބަދަލުދިނުމާ ބެހޭ ސެޝަނެއް ބާއްވަން ސަމިޓްގެ ނުރަސްމީ އެޖެންޑާގައި މިހާރު ވެސް އެބަ އޮތެވެ. އެކަމަކު އެ ކަން ރަސްމީ އެޖެންޑާގައި ހިމެނުމާިއ މެދު ގޮތެއް ނިންމާނީ މިއަދު އެވެ.
"އަޅުގަނޑު އުއްމީދުކުރަނީ އެކަން އެޖެންޑާގައި ހިމެނޭނެކަމަށް،" ޖެމެއިކާގެ އިގުތިސާދީ ކުރިއެރުމާ ބެހޭ ވަޒީރު މެތިއު ސަމޫޑާ ރޮއިޓާސް އަށް ވިދާޅުވި އެވެ.
އޭނާ ވިދާޅުވި ގޮތުގައި ބަދަލު ދިނުމުގެ މަޝްވަރާއަކާ މެދު މީގެ ތިން އަހަރު ކުރިން އެއް ގޮތަކަށް ވެސް މަޝްވަރާނުކުރާނެ ބައެއް ގައުމުތަކުން މިހާރު އެ ކަމުގައި ގެންގުޅެނީ ދޫދިނުމުގެ ސިޔާސަތެވެ. އެކަމުގައި ޔޫރަޕްގެ ގައުމުތަކުން ކުދި ގައުމުތަކަށް ތާއީދުކުރާ ކަމަށް ވެސް އޭނާ ވިދާޅުވި އެވެ.
ކިޔުންތެރިންގެ ސަމާލުކަމަށް
ދަތުރުކުރަމުންދިޔަ ފުލައިޓެއްގެ ކުޑަދޮރު ހަލާކުވެ ބޭރަށް ދަމައިގަތް ޕަސެންޖަރަކު ސަލާމަތްކޮށްފި
އެމެރިކާއަށް ހިޖުރަކުރި މުސްލިމެއް ނިވްޔޯކުގެ މޭޔަރު ކަމަށް
ރައްޔިތުންގެ ސަލާމަތާއި ރައްކާތެރިކަމަށްޓަކައި ޕަޕްއާ ނިއުގިނީ ގައި ފޭސްބްކް މަނާކޮށްފި
އެއާ އިންޑިއާގެ ފްލައިޓެއް ފާޚާނާތައް ބްލޮކުވުމުން 10 ގަޑިއިރު ފަހުން އެނބުރި ފުރި މަންޒިލަށް
މިނިވަން ވިޔަފާރީގެ އެއްބަސްވުމާ އެމެރިކާއިން ޚިލާފުވުމުން ކެނެޑާއިން ދުނިޔޭގެ ވިޔަފާރި ޖަމިއްއޔާ އަށް
ޣައްޒާއާއި ގުޅޭގޮތުން އަރަބިންގެ ސިއްރު ބައްދަލުވުމެއް
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!