އަމިއްލަ ޚަރަދުގައި ވައިޓް ހައުސްގައި 100 މިލިއަން ޑޮލަރުގެ ލަގްޒަރީ ބޯލް ރޫމެއް އަޅަން ޓްރަމްޕް ހުށަހަޅުއްވައިފި އެވެ.
ޓްރަމްޕް ވިދާޅުވީ އެ މަނިކުފާނުގެ އަމިއްލަ ޚަރަދުގައި އިމާރާތްކުރުމަށް ހުށަހަޅުއްވާ ބޯލްރޫމަކީ ޕާޓީތަކާއި ދައުލަތުގެ ފަރިތަކުރުންތައް ހިމެނޭ ގޮތަށް ހައި ޕްރޮފައިލް އިވެންޓްތައް ބާއްވާ ތަނަކަށް ވެގެންދާނެ ކަމަށެވެ.
ވައިޓް ހައުސްގެ އީސްޓް ރޫމްގައި ސޮއިކުރުމަށް ބޭއްވި ރަސްމިއްޔާތެއްގައި އީސްޓް ރޫމަށް އިޝާރާތް ކުރައްވާ ވިދާޅުވީ ޖާގަނެތިގެން އެތެރެއަށް ނުވަދެވޭ މީހުން އެބަތިބިކަމަށާއި، މި ރޫމް މިވަނީ ފުރިފައިކަމަށެވެ. އެހެންކަމުން ފްލޮރިޑާގައި ހުންނަ އޭނާގެ މާ-އޭ-ލާގޯ އެސްޓޭޓްގައި ހުރި ފަދަ "ރީތި، ރީތި ބޯލްރޫމެއް" އެޅުމަށް ބޭނުންފުޅުވާ ކަމަށެވެ.
