އެމެރިކާއާއި ގުޅިފައިވާގައުމުތަކުން ޔަމަނަށް ހަމަލާ ދިނީ، މަސްލަހަތައްޓަކާކަމަށް ބުނެފި

އެމެރިކާ އާއި އިނގިރޭސިވިލާތުން ޔަމަންއާ ދެކޮޅަށް ހަަމަލާތަކެއް ދީފިއެެވެ. އެމެރިކާ، އިނގިރޭސިވިލާތް، އޮސްޓްރޭލިއާ، ބަހްރައިން، ކެނެޑާ، ޑެންމާކް، ޖަރުމަން، ނެދަލަންޑްސް، ނިއުޒިލަންޑް އަދި ދެކުނު ކޮރެއާ ހިމެނިގެން ނެރުނު ބަޔާނެއްގައި ބުނިކަމަށް ބޭރުގެ ހަބަރުތަކުން ރިޕޯޓުކޮށްފައިވަނީ، ޔަމަނަށް ހަމަލާދިނީ އެ ގައުމުގައި ހަރަކާތްތެރިވާ ހަނގުރާމަވެރި ހޫސީންނަށް ހަމަލާދިނުމަށް ކަމަށެވެ. އަދި އެއީ މަސްލަހަތަށްޓަކައި ދިން ހަމަލާއެއް ކަމަށްވެސް ބުންޏެވެ. ޔަމަނުގެ ހޫސީން ދަނީ ރަތް ކަނޑުގައި ދަތުރުކުރަމުންދާ އެކި ގައުމުތަކުގެ އުޅަނދުތަކަށް ހަމަލާ ދެމުންނެވެ. ހޫސީންގެ ހަމަލާތައް ހުއްޓައި ނުލައިފިނަމަ އިތުރު ހަމަލާތަކަށް އިންތިޒާރު ކުރުމަށް ވެސް ބަޔާނުގައި އޮތީ ބުނެފަ އެވެ. ހޫސީން ރަތްކަނޑުގައި ހަމަލާދެނީ، އިޒްރޭލަށް ދަތިކުރުމުގެ ފިޔަވަޅު އެޅުމުގެ ގޮތުންނެވެ. ރަތް ކަނޑުން ދަތުރުކުރާ ވިޔަފާރި އުޅަނދުތަކަށް ދަތިކޮށް ހަމަލާދީ ކަނޑުފޭރުމަކީ ދުނިޔޭގެ އިގުތިސާދަށް ވަރަށް ބޮޑު ނުރައްކަލެއް ކަަމަށްވެސް މި ގައުމުތަކުން ބުނެ އެވެ. ހޫސީންގެ އަމަލުތަކުގެ ސަބަބުން ގައުމުތައް ކާބޯތަކެއްޗަށް ޖެހިދާނެ ކަމަށްވެސް ބުނެފައިވެއެވެ.