ރާއްޖޭގައި މިވަގުތު އޮތް އެންމެ ހަލާލު މެމްބަރުން ގިނަ ސިޔާސީ ޕާޓީ އަކީ ޕީޕަލްސް ނެޝަނަލް ކޮންގްރެސް (ޕީއެންސީ) ކަމަށް ޕީއެންސީގެ ޕާލިމަންޓްރީ ގްރޫޕްގެ މެންބަރު އަދި ރައްޔިތުންގެ މަޖިލީހުގެ ބާރަށުދާއިރާގެ މެންބަރު އިބްރާހިމް ޝުޖާއު ވިދާޅުވެއްޖެ އެވެ.
އެކްސް ގައި ކުރެއްވި ޕޯސްޓެއްގައި މެންބަރު ޝުޖާއު ވިދާޅުވީ ވެރިކަންކުރާ ޕީއެންސީއަށް މެމްބަރުން އިތުރުކުރުމުގެ މަސައްކަތް ވަރަށް ޚާއްޞަ މަސައްކަތެއްގެ ގޮތުގައި ދެކިގެން އެފަރާތްތަކުން ވަރަށް ފޯރީގައި އަންނަނީ ކުރަމުން ކަމަށެވެ.
އަދި އެ މަސައްކަތުގެ ތެރެއިންވެސް އެއްވެސް ދިވެހި ރައްޔިތަކަށް އެ މީހަކަށްނޭގި ސިޔާސީ އެއްވެސް ޕާޓިއަކަށް ނުވެއްދޭނެ ކަމަށާއި، އަދި ސިޔާސީ ޕާޓީއަކަށް ވަނުމާއި ނުވަނުމަކީވެސް ކޮންމެ މީހަކަށްވެސް ލިބިގެންވާ ހައްގެއް ކަމަށާއި، އެގޮތުން ޕީއެންސީއަށް ނުވަދެގެން އެ ކަމާގުޅުވައި އެއްވެސް މީހެއްގެ ވަޒީފާ ނުގެއްލޭނެ ކަމަށްވެސް މެންބަރު ޝުޖާއު ވިދާޅުވި އެވެ.
އެއާ ޙިލާފަށް ރައީސް ނަޝީދު އާއި, ރައީސް ޔާމިންގެ ވެރިކަމުގައި އަދި ރައީސް ސޯލިހްގެ ވެރިކަމުގައި އެންމެންގެ ލޯކުރިމަތީ ސިޔާސީ ޕާޓިތަކުގެ ޖަލްސާތަކަށް ކުންފުނި ތަކުގެ މުވައްޒަފުންނަށް ކުލަ ކާޑު ދީގެން ދިއުމަށް މަޖުބޫރު ކުރުވި ކަމަސާއި، އެދުވަހު އެކަންކަން ކުރުވި ސިޔާސީ ވެރިން ދައްކާވާހަކަ ރައްޔިތުން ބަލައިނުގަންނާނެ ކަމަށެވެ.
މީގެ އިތުރުން ރާއްޖޭގެ ސިޔާސީ ތާރީޚްގައި ފުރަތަމަ ފަހަރަށް ޕާޓިއެއްގެ ދަފްތަރުގައި އެއްވެސް ރައްޔިތެއް އެރައްޔިތަކަށް ނޭނގި ދަފްތަރު ކުރެވި ފައިވާނަމަ އެކަން ލިޔުމުންނާއި, އީމެއިލުންނާއި, މެސެޖުން އަދި ފޯނު ކޯލުން ރިޕޯޓް ކުރުމަށް ހުޅުވާލީވެސް އެ ޕާޓީން ކަމަށާއި, ހުޅުވާލި މުއްދަތުގައި އެއްވެސް ރައްޔިތެއް ނުޚައްޤުން އެ ޕާޓީގައި ދަފްތަރު ކުރެވިފައި ވާކަމަށް އެއްވެސް ޝަކުވާއެއް ލިބިފައި ނުވާކަމަށްވެސް މެންބަރު ޝުޖާއު ވިދާލޫވިޮ އެވެ.
އެގޮތުން ޕީއެންސީ އަކީ ރާއްޖޭގައި މިވަގުތު އޮތް އެންމެ ހަލާލު މެމްބަރުން ގިނަ ސިޔާސީ ޕާޓީ އަކީ ވެސް ޕީއެންސީ ކަމަށް މެންބަރު ޝުޖާއު ވިދާޅުވެފައި ވެއެވެ.
