މަސްތުވާތަކެއްޗާއެކު ހުޅުމާލެ ފޭސް-1 އިން ޒުވާން ފިރިހެނަކާއި އަންހެނަކު ހައްޔަރުކޮށްފި އެވެ.
ފުލުހުން ބުނީ މަސްތުވާތަކެއްޗާ ދެކޮޅަށް ހުޅުމާލެ ސްޕެޝަލް އެންފޯސްމަންޓުން ކުރަމުންދާ މަސައްކަތުގެ ތެރެއިން، މި މަހުގެ 6 ވަނަ ދުވަހު ހުޅުމާލެ ފޭސް 1 އިން ފ. މަގޫދޫ، ހަނދުވަރީގެ / އިސްމާޢީލް އިޒްހާން (25އ) އާއި ލ. އިސްދޫ، ހުސްނޫގެ / އާމިނަތު ރުޝްދާ (21އ) ހައްޔަރުކޮށްފައިވާ ކަމަށެވެ.
އަދި މަސްތުވާތަކެތި ގެންގުޅެ، ބޭނުންކޮށް އަދި މަސްތުވާތަކެތީގެ ވިޔަފާރިކުރާކަމަށް ތުހުމަތުކުރެވޭ މައްސަލައާ ގުޅިގެން އެ ދެމީހުން ހައްޔަރުކޮށް ބަލައިފާސްކުރިއިރު މަސްތުވާތަކެތި ކަމަށް ބެލެވޭ 140.03 ގުރާމުގެ ތަކެއްޗާއި، މަސްތުވާތަކެތި ކަމަށް ބެލެވޭ އެއްޗެއްހުރި 3 ބިޑި ފެނިފައިވާ ކަމަސްވެސް ފުލުހުން ބުނެއެވެ.
މި މައްސަލައާ ގުޅިގެން އެ 2 މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން އިސްމާޢީލް އިޒްހާން 15 ދުވަހަށް އަދި އާމިނަތު ރުޝްދާ 10 ދުވަހަށް ބަންދުކުރުމަށް ވަނީ އަމުރުކޮށްފައެވެ.
